LESHELE 130 - Sumi Naga CL (Re-edited) Bible (BSI)

I Ngulho no Ampeu Khe ani

¹ Akuthoku lono I no O lau ighamku ani, O Ampeu!

² O Ampeu, I sütsa chilu tsülo! Kimiyeqhiyi tsü penike I no inikhu akeu sütsa küdau O kini kugho puwo tsülo!

³ O Ampeu, Nono axine amichi shi püaghike aye, O Ampeu, khuu no puthugho luniche kea?

⁴ Ikemu O lau ye akipimi qhikütsü ani, tishino O sümsa peniye ke.

⁵ I no Ampeu khe ani, I ngulho no khe ani, Pa tsa shou I no lajube ani;

⁶ aghukhemi no tsükutho ngokhe keu nguno alau aghukhemi no tsükutho ngokhe keu nguno alau I ngulho no Ampeu khe ani.

⁷ O Israel, Ampeu laju lo! Kughengu Ampeu gholo iqemokeu kikimiye ani, eno Pa gholo qhüchilekulu kupukuno shi ani.

⁸ Pa no axine kümtsü lono Israel qhüchilelu nani.