LESHELE 13 - Sumi Naga CL (Re-edited) Bible (BSI)

O Ampeu , Ado Khitohi Kea?

Davidw Leshele

¹ O Ampeu, ado khitohi No ye I kümsümaveni kea? No ye ado khitohi I launo O gi küsüveni kea?

² Ni ye ado khitohi I lolo shiluküsa xapu eno atsala kupuju I mlo lo aghime xapuni kea? I ghümi ye ado khitohi I shou tolu anani kea?

³ Kümsüju no I khochile lo, O Ampeu I Lhou; ni ye akithi kumlhoshi züuve nosake I nhethi xükho tsülo,

⁴ I ghümi no, “I no pa shou toluvae” ipive nosae, I no ikiqive kelo I ghümi no alovi nosake.

⁵ Ikemu ni ye Ow iqemokeu kikimiye shou pükhübe ani; I mlo ye Ow xakulu lo alovi nani.

⁶ I no Ampeu lau ale pheni, kughengu Pa no pofushi I kümgha tsüe.