LESHELE 129 - Sumi Naga CL (Re-edited) Bible (BSI)

I Lhothe lono I Ghime Ighivae

¹ “I lhothe lono panongu no shishe I ghime ighivae”— Israel pelo itehi pi pelo—

² “I lhothe lono panongu no shishe I ghime ighivae, ikeghi panongu ye I theqhilu mphie.

³ Alu hokide kemi no I mqa shou no hokide ke; panongu no akulupo kushuo mlake.”

⁴ Ampeu ye amikucho; Pa no kixikilami kighi ghithave tsüe.

⁵ Zion mithi chekeqo kümtsü akukujo lo ilove no idechile wove pelo!

⁶ Panongu pelo aki kütsüqa shou atsaneghu toive pelo, tipaqo ye mini ipeghi mphi züuno kimghoive cheni,

⁷ tipaqo ye ghile kuhumi u chhitoilu chemoe, momu athi ghokütsü akemi u pichhilu chemoe,

⁸ tipau veche wuche kemi ye, “Ampeuw kükümgha o shou apelo! Ampeu je lono nino o kümghatsü ani!” ipi chemoe.