LESHELE 128 - Sumi Naga CL (Re-edited) Bible (BSI)

Ampeu Sükümsami Lokivipu

¹ Khuu no Ampeu sümsa eno Pa laghi lo checheni keno pa ye alokivipue!

² No ye o likhi o u no mlaqhikulu xathi chulu nani; no ye alokivi shi nani eno o ghenguno akivipu shi nani.

³ O kibo lo o nipu ye atsaibo athi pithi chekeu toi nani; o nuliqo ye olivebo khuni toi o ghulhu lüpa vehope anani.

⁴ Julo, tihutoi khunono Ampeu sümsa cheni keno timi tipano ye mügha nani.

⁵ Ampeu no Zion lono o kümghatsü peniu! O küxü kupuju lo Jerusalem kinikülü o pelo ithulu peniu!

⁶ O pelo o tianuli tianuli kutolo ithulu peniu! Israel shou aloinokeu apelo!