LESHELE 127 - Sumi Naga CL (Re-edited) Bible (BSI)

Ampeu no Aki Shiqhemo aye

Solomon Le

¹ Ampeu no aki shiqhe tsümo aye, aki kishimi no aghime shi aju püka akeu ye adoue. Ampeu no mishighüna khekuto tsümo aye, aghukheu no khekuto akeu ye adoue.

² Nono inaqhe itheno ithuve eno munu akulhoqhi no ghichheghime shi mlakeu lono chusho akeu ye adou ke; kughengu Pa no qhuivü kemi pelo zühu lupe cheni.

³ Julo, atianuli ye Ampeu launo ighikeu mheghi ke, atita lo xathi ye asaxü ke.

⁴ Alhothe lono atianuli shilu keu ye aghütomi lakhi u lo apiji ake toike.

⁵ Khuu no pa piji bohu lo tipaqo chhitoi ani keno pa ye alokivipue! Kughou pa no khagho lo aghümi sasü küptsani keno pa ye kujovemo nani.