LESHELE 125 - Sumi Naga CL (Re-edited) Bible (BSI)

Ampeu no Paw Timi Bothape Ani

¹ Khunono Ampeu pükhü cheni keno pano ye Zion Toghi toike, ti ye khilemu süküghütha mlae, ikemu alholo ache nani.

² Naghutoqo no Jerusalem bothape aketoi Ampeu no itehi eno alholo Paw timi bothape acheni.

³ Kixikilami kükaküsü ye amikuchomi saje shitsü keu yeghi lo ayepe mla nani, tikumo aye amikuchomi ghi pano u xachhope akumou mlauve nosae.

⁴ O Ampeu, khunono akivimi eno khuno mlo no müzüchoi keno pano lau akivi mla tsülo!

⁵ Ikemu khunono chighichilai keu laghi lo wuveni keno Ampeu no kixikilami gholo haphe puwuve cheni! Israel shou aloino keu apelo!