LESHELE 123 - Sumi Naga CL (Re-edited) Bible (BSI)

Ni Nhethi no Ampeu lau Juni

¹ O No khuu kungugha lo ayekipe lakhü lo iqa ani keno, O lau I no jupuku ani!

² Julo, aqemi nhethi no pano mpeu u lo jupuku aketoi, aqelimi nhethi no pano mpeliu u lo jupuku aketoi, Pa no ningu shou kimiyeqhiyi tsümoke kutolo Ni nhethi no Ampeu ni Lhou lau jupuku anie.

³ Ni kimiyekütü tsülo, O Ampeu, ni kimiyekütü tsülo! Kughengu ningu ye lukümkha shi küthakügha sholuvae.

⁴ Ililai xü akemi no thaigha keu aqheküzami no küthakügha shikeu ni ngulho no lukümkha shi xapuvae.