LESHELE 122 - Sumi Naga CL (Re-edited) Bible (BSI)

Ningu Ampeu Kilo Wuni nolo

David Le

¹ Kughou panongu no I vilo, “Ningu Ampeu kilo wuni nolo,” ipi keno ni ye alovive.

² O Jerusalem, ningu pukhu no Ow khagho lo puthugho ani!

³ Jerusalem ye mishighüna lakhi shi shiqhevae kümtsa mtotoi tsügha kime püani,

⁴ ashiayeqo no tile iqho cheni, ti ye Ampeu shiayeqo ke, ti ye Israelmi ghenguno xaküthaza shike toi, Ampeu je lono shikimthi keu tsü peniye ke.

⁵ Tilehi küghakütha kükalakhüqo ghope qhike, ti ye David laghami kükalakhü ke.

⁶ Jerusalem lokughunopu ghenguno inikhulo! “Khunono O kimiye cheni keno sükusho lo apelo!

⁷ O liwo alou külakishi apelo O qoghe alou sükusho apelo!”

⁸ I thiküzümi eno I küsami ghenguno I no pini, “Aloino keu nongu gholo alo!”

⁹ Ni Lhou Ampeu ki ghenguno I no o kivipu phuni.