LESHELE 121 - Sumi Naga CL (Re-edited) Bible (BSI)

I Kukuphuu ye Ampeu

¹ Ni ye naghuto lo jupukuni. Khilau no I kukuphu ighi cheni kea?

² I kukuphu ye Ampeu khuu atsütsü ngo ayeghi lho keno Pa launo ighi cheni.

³ Pa ye o pukhu pelo ithave pemo nani; Khuu O hiju cheni keno Pa ye zühuve chemoe.

⁴ Julo, khuu Israel hiju cheni keno, Pa ye ingufufui momu zühuve monani.

⁵ Ampeu no o khekuto acheni; Ampeu ye o u ajeu o kicheqho ke.

⁶ Puchou khetsünhe momu putho lo aqhi nomu o ghüzamo nani.

⁷ Ampeu no alhoksa jeli kümtsü lono o süsholu nani Pa no o küxü püxü tsü nani.

⁸ Itehi no huthusü pülhapuju lo Ampeu no ow ikipe ikulo kümtsü lo o süsho nani.