LESHELE 114 - Sumi Naga CL (Re-edited) Bible (BSI)

Ampeu Zülo Khokhoshi lo

¹ Kughou Israelmi no Egypt lono ipe keno, kughou Jacob kibo no inami tsa kipimi launo ipe keno,

² Judah no Pa kimthe-a shive, Israel no Pa yekipeqha shive.

³ Akuhu Züghi no ti ithulu no kuhave; Jordan no qowu akeu tave.

⁴ Naghutoqo no anetsü toi kakashi ilhe, atoghiqo no ambeqo toi ilhe.

⁵ O azüghi, kiu no o küpünave keno no ye pove kea? O Jordan, no ye kushiye qowu move kea?

⁶ O naghutoqo, nongu ye kushiye ambetsü toi ilhe kea? O atoghiqo, kushiye ambeqo toi ilhe ikuiqi kea?

⁷ O ayeghi, Ampeu zülo khokhoshi lo, Jacob Lhou zülo msa khokhoshi lo,

⁸ Pa no atuqu pesü azükucho-a shivetsü, atuitu pesü azüpuki shivetsüe.