LESHELE 113 - Sumi Naga CL (Re-edited) Bible (BSI)

Khuu no Ampeu toi Kea?

¹ Ampeu sheqhelo! O Ampeu qemiqo, Pa sheqhelo! Ampeu je sheqhelo!

² Itehi eno alhokupuju lo Ampeu je sheqhelo!

³ Khetsünhe ipeghi kelono ilo moke kutolo Ampeu je ye sheqhe kepue!

⁴ Ampeu ye shiye kümtsü shoue, eno Pa juküvü ye kungugha shou ani!

⁵ Ampeu ni Lhou khuu kungugha lo ani keno Pa toike khuu ani kea?

⁶ Khuu kungugha lono atsütsü eno ayeghi lo jupiqi acheni keno Pa toike khuu ani kea?

⁷ Pa no ayeghimkhu lono kumlhomi xaqhe eno ayevu amoqhe püakeu lono aveküsami süqhe cheni,

⁸ panoqo pelo sakiphemi ngo Paw timi shou sakiphemi gholo iqalu peniye ke.

⁹ Pa no totimi anuhami lau akibo kuto tsüno li pelo alokivi shi atianuli paza shilupe cheni. Ampeu sheqhelo!