LESHELE 110 - Sumi Naga CL (Re-edited) Bible (BSI)

I u Ajeu Iqalo

Davidw Leshele

¹ Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

² Ampeu no ow akughushu yekipe küsü Zion lono puwu tsüke. O ghümi gholo ayepelo!

³ O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

⁴ Ampeu no tushoqhivae Pa kükümsü kilivemo nani, “No ye Melchizedek kikithi lono alhokupuju achineu ke.”

⁵ Ampeu ye o u ajeu ani; Pa loghu tsala lo Pa no kükami haleve nani.

⁶ Pa no shiyeqo shou küghaküthabe nani, akithikumo no pano-a chhive nani, Pa no ayeghi kupuju lo atomiqo haleve nani.

⁷ Pa no alaghi lo aghokiti akeu lono azü yelu nani, tighenguno pa ye pa kütsü süqhelu nani.