LESHELE 1 - Sumi Naga CL (Re-edited) Bible (BSI)

Kaku Atüghüu Amikuchomi eno Kixikilami Laghi

¹ Khunono kixikilami mijekütsü lo cheche moni, axinemi laghi lo puthughomo eno thoküghami lakhü lo iqa moni keno pano ye akümghapue;

² pa lokiqipu ye Ampeu Yezah lo ani, pa ye putho pucho Pa Yezah lo kümsüputho cheni.

³ Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

⁴ Ikemu kixikilami ye tishimoe, pano ye amülhü no amuu fupe wuve ketoi ke.

⁵ Tighenguno kixikilami ye küghakütha lo puthugho monani, eno axinemi ye amikuchomi hoho lo ngolumo nani;

⁶ kughengu Ampeu no amikuchomi laghi ithi ani, ikemu kixikilami laghi ye pühave nani.