JOSHUA 21 - Sumi Naga CL (Re-edited) Bible (BSI)

Levimi Phughiqo

¹ Tithiu Levimi ali lo akütsüqo no achineu Eleazar eno Nun nu Joshua ngo Israel shiaye lo sakiphemiqo lau ighi.

² Panongu no Canaan yeghi Shiloh lono pi, “Ampeu no Moses vecheo, ningu pelo ngopeni keu mishighünaqo eno niw lhoxüqo ghenguno atsüni kümtsha-a ni tsülopi azah tsüvae.”

³ Tighenguno Ampeu zakütsü lono Israelmi no pano yeghi lono Levimi ghenguno mishighüna eno atsüni kümtsha-a hipaqo kophetsü.

⁴ Asaqhi kelo, Kohath limi no hitoi ithulu. Achineu Aaron kughukomi no Judah, Simeon eno Benjamin shiaye launo mishighüna chighiküthü ithulu.

⁵ Kohath li lo kütami no Ephraim ngo Dan shiaye eno Manasseh shiaye tüxa launo mishighüna chighi ithulu.

⁶ Gershon limi no asakiqhi lono Issachar, Asher ngo Naphtali shiaye eno Bashan lo Manasseh shiaye tüxa küghüna akeqo launo mishighüna chighiküthü ithulu.

⁷ Merari limi no Reuben, Gad eno Zebulun shiaye launo mishighüna chighikini ithulu.

⁸ Ampeu no Moses lau Azah tsüke toi, Israelmi no mishighüna hipaqo eno tile atsüni kümtsha-a asaqhipe Levimi tsüve.

⁹ Judah eno Simeon shiaye saje lono, mishighüna hipaqo ikhiphepe tsü;

¹⁰ mishighüna tipaqo ye Levi kughuko lo Kohath laghami Aaron limi tsüve, kughengu asakiqhi pano shou ikughi ke.

¹¹ Panongu no Judah lo ato ghakhu lo Kiriath-arba (Arba ye Anak papu) momu Hebron phughi eno tile atsüni kümtsha-a pe Levimi tsüve.

¹² Ikemu tipau phughi lo aluza ngo aphuqo ye püzüu no Jephunneh nu Caleb tsüve.

¹³ Achineu Aaron limi lau mishighüna hipaqo tsü, Hebron, khikhi sükusho phughi keno, eno tile atsüni kümtsha-a, Libnah tile atsüni kümtsha-a

¹⁴ Jattir ngo Esthemoa eno tiküma lo atsüni kümtsha-a,

¹⁵ Holon ngo Debir eno tiküma lo atsüni kümtsha-a,

¹⁶ Ain, Juttah, Beth-shemesh eno tipaqo lo atsüni kümtsha-a, ashiaye hiküma launo mishighüna toku tsüve.

¹⁷ Tishino Benjamin shiaye saje lono, mishighüna hipaqo ikhiphe tsü, Gibeon, Geba eno tiküma lo atsüni kümtsha-a,

¹⁸ Anathoth ngo Almon eno tiküma lo atsüni kümtsha-a, mishighüna bidi.

¹⁹ Küqha kelo aphughi chighiküthü eno tipaqo lo atsüni kümtsha-a no Aaron limi tsüve.

²⁰ Levi lagha lo Kohath limi kütami lau Ephraim ghakhu lo aphughi akeqo dolono hami tsüve.

²¹ Panongu lau Ephraim ato ghakhu lo sükusho phughi Shechem eno tile atsüni kümtsha-a, Gezer eno tile atsüni kümtsha-a,

²² Kibzaim ngo Beth-horon eno tiküma lo atsüni kümtsha-a, mishighüna bidi;

²³ Dan yeghi lono Eltekeh ngo Gibbethon eno tiküma lo atsüni kümtsha-a,

²⁴ Aijalon, Gath-rimmon eno tiküma lo atsüni kümtsha-a, mishighüna bidi;

²⁵ Manasseh shiaye tüxa launo Taanach ngo Gath-rimmon eno tiküma lo atsüni kümtsha-a, mishighüna kini.

²⁶ Küqha kelo aphughi chighi eno tipaqo lo atsüni kümtsha-a no Kohath lagha lo kütamiqo tsüve.

²⁷ Levi lagha lo Gershon limi lau Manasseh shiaye tüxa yeghi lono hipaqo tsü, Bashan lo sükusho phughi Golan, tile atsüni kümtsha-a ngo Beeshterah eno tile atsüni kümtsha-a, mishighüna kini;

²⁸ Issachar yeghi lono Kishion ngo Daberath eno tiküma lo atsüni kümtsha-a,

²⁹ Jarmuth ngo En-gannim, tiküma lo atsüni kümtsha-a, mishighüna bidi.

³⁰ Asher yeghi lono Mishal ngo Abdon eno tiküma lo atsüni kümtsha-a,

³¹ Helkath ngo Rehob eno tiküma lo atsüni kümtsha-a, mishighüna bidi;

³² Naphtali yeghi lono Galilee lo Sükusho phughi akeu Kedesh eno tile atsüni kümtsha-a, Hammoth-dor ngo Kartan eno tiküma lo atsüni kümtsha-a, mishighüna küthü.

³³ Küqha kelo aphughi chighiküthü eno tipaqo lo atsüni kümtsha-a no Gershon limiw.

³⁴ Levi laghami kütami lau hitoi tsü, Merari limi lau hipaqo tsü, Zebulun yeghi lono Jokneam ngo Kartah eno tiküma lo atsüni kümtsha-a,

³⁵ Dimnah ngo Nahalal eno tiküma lo atsüni kümtsha-a, küqha kelo mishighüna bidi.

³⁶ Reuben yeghi lono Bezer ngo Jahaz eno tiküma lo atsüni kümtsha-a,

³⁷ Kedemoth ngo Mephaath eno tiküma lo atsüni kümtsha-a, küqha kelo mishighüna bidi.

³⁸ Gad shiaye launo Gilead lo Sükusho phughi Ramoth eno tile atsüni kümtsha-a, Mahanaim eno tile atsüni kümtsha-a,

³⁹ Heshbon ngo Jazer eno tiküma lo atsüni kümtsha-a, küqha kelo mishighüna bidi.

⁴⁰ Tinguno alau Merari limi lau, ti ye Levi lagha lo asaje ithulu mono akeqo lau, mishighüna chighikini tsüve.

⁴¹ Israelmi yeghi lo Levimi tsükeu mishighüna eno tipaqo lo atsüni kümtsha-aqo, küqha kelo lhobidi tache.

⁴² Mishighüna hipaqo kümtsü pütüta hokümxa lo atsüni kümtsha-a acheke.

⁴³ Ikehu Ampeu no pano puasü zülo piqhi püake toi, ayeghi kümtsü pe Israelmi tsüve. Eno panongu no tipaqo pükhalu no tilau küghüna auve.

⁴⁴ Ampeu no pano puasü lau piqhi püake toi panongu pelo akulho qhilupe. Pano ghümi lakhi nomu pano zülo puthugho mlae, kughengu Ampeu no aghümi kümtsü Israelmi u lo süve tsüke.

⁴⁵ Ampeu no akivipu tsa piqhi keqo lakhimu tomla keu shimono kümtsü shikupu.