JOSHUA 19 - Sumi Naga CL (Re-edited) Bible (BSI)

Simeon Tsükeu Yeghi

¹ Asakiqhi akiniu no Simeon shiaye shou ikughi, ti ye ali kiqi lono ke. Pano yeghi ye Judah shiaye tsükeu yeghi mta lo.

² Panow shilu keu yeghi ye hipaqo ke; Beersheba, Sheba, Moladah,

³ Hazar-shual, Balah, Ezem,

⁴ Eltolad, Bethul, Hormah,

⁵ Ziklag, Beth-marcaboth, Hazar-susah,

⁶ Beth-lebaoth eno Sharuhen—mishighüna chighiküthü eno tipaqo gholo aphuqo;

⁷ Ain, Rimmon, Ether eno Ashan—mishighüna bidi eno tipaqo gholo aphuqo;

⁸ tipaqo gholo mishighüna hipaqo hokümxa lo aphu akeqo kümtsü, Baalath-beer, eno Ramah lo qhaike yeghi kuto. Hipado no Simeon shiaye, ali kiqi lono kijetsü keu yeghi.

⁹ Simeon tsükeu mheghi ye Judah yeghi lo ake, kughengu Judah tsükeu yeghi no ta jelove kehu, pano yeghi mta lono kothape Simeon shiaye tsüve.

Zebulun Tsükeu Yeghi

¹⁰ Asakiqhi aküthüu no Zebulun shiaye shou ikughi, ti ye ali kiqi lono ke. Pano yeghi ye Sarid kutolo.

¹¹ Tileno alughi ye kulolau küdau iqhove ani eno tilau no Mareal kuto wuve no Dabbesheth küdau no Jokneam kipelau aghokiti kuto.

¹² Itaghi Sarid lono kipela küdau wu kelo khetsünhe kipelau Chisloth-tabor lughi kuto eno tileno Daberath ngo Japhia kuto.

¹³ Tileno khetsünhe kipelau Gath-hepher ngo Eth-kazin kuto eno Rimmon lono Neah küdau kughosü wuve ani.

¹⁴ Ahuu lughi ye Hannathon küdau tsüghüsü wuve eno Iphtahel Khila lono kishekhave ani;

¹⁵ Kattath, Nahalal, Shimron, Idalah, eno Bethlehem—mishighüna chighikini eno tipaqo gholo aphuqo;

¹⁶ Hi no Zebulun shiaye, ali kiqi lono amheghi shitsü keu yeghi—mishighüna hipaqo eno pano phuqo.

Issachar Tsükeu Yeghi

¹⁷ Asakiqhi abidiu no Issachar shiaye shou ikughi, Issacharmi ali kiqi lono;

¹⁸ pano yeghi ye hipaqo, Jezreel, Chesulloth, Shunem,

¹⁹ Hapharaim, Shion, Anaharath,

²⁰ Rabbith, Kishion, Ebez,

²¹ Remeth, En-gannim, En-haddah, Beth-pazzez.

²² Alughi ye Tabor, Shahazumah, eno Beth-shemesh di ani eno Jordan lono kishekhave ani, mishighüna hipaqo eno tipaqo gholo aphuqo.

²³ Hi no Zebulun shiaye ali kiqi lono amheghi shi tsükeu yeghi, mishighüna hipaqo eno tipaqo gholo aphuqo.

Asher Tsükeu Yeghi

²⁴ Asakiqhi apunguu no Asher shiaye shou ikughi, Ashermi ali kiqi lono;

²⁵ pano yeghi no hipaqo, Helkath, Hali, Beten, Achshaph,

²⁶ Allammelech, Amad, eno Mishal. Kulolau no Carmel ngo Shihor-libnath kuto.

²⁷ Tishino kipelau küdau tsüghüsü Beth-dagon, eno Zebulun ngo Iphtahel Khila di ghi Beth-emek eno Neiel küdau iqhove ani. Tilauno ahuu küdau iqho Cabul,

²⁸ Ebron, Rehob, Hammon, Kanah eno Sidon akijeu kutolo wu ani.

²⁹ Tishino alughi ye Ramah lo tsüghüsü wuve ani eno aliwo kumto phughi Tyre to ani. Tileno idesü Hosah lo wu ani eno Azüghi lono ashekha shive ani; Mahalab, Achzib,

³⁰ Ummah, Aphek eno Rehob, mishighüna muku kini eno tipaqo hokümxa lo aphuqo;

³¹ hi no Asher shiaye ali kiqi lono amheghi shitsü keu yeghi, mishighüna hipaqo eno tipaqo gholo aphuqo.

Naphtali Tsükeu Yeghi

³² Asakiqhi Akütsüghou no Naphtali shiaye shou ikughi, Naphtalimi ali kiqi lono;

³³ pano lughi ye Heleph lono, Zaanannim lo aphisübo lono, Adami-nekeb, Jabneel, Lakkum kuto, eno Jordan lono kishekhave ani.

³⁴ Tileno alughi hu kulolau Aznoth-tabor küdau ilove ani eno tileno Hukkok kuto wuve ani; ti ye apeu no Zebulun di ani, kulolau no Asher di ani, eno kipelau no Jordan lono Judah di ani.

³⁵ Aliwo kumto mishighünaqo ye Ziddim, Zer, Hammath, Rakkath, Chinnereth,

³⁶ Adamah, Ramah, Hazor,

³⁷ Kedesh, Edrei, En-hazor,

³⁸ Yiron, Migdal-el, Horem, Beth-anath eno Beth-shemesh, mishighüna chighitoku eno tipaqo gholo aphuqo.

³⁹ Hi no Naphtali shiaye, ali kiqi lono amheghi shitsü keu yeghi, mishighüna hipaqo eno tipaqo gholo aphuqo.

Dan Tsükeu Yeghi

⁴⁰ Asakiqhi akütsüniu no Dan shiaye shou ikughi, Danmi ali kiqi lono;

⁴¹ pano yeghi ye hipaqo; Zorah, Eshtaol, Ir-shemesh,

⁴² Shaalabbin, Aijalon, Ithlah,

⁴³ Elon, Timnah, Ekron,

⁴⁴ Eltekeh, Gibbethon, Baalath,

⁴⁵ Jehud, Bene-berak, Gath-rimmon,

⁴⁶ Me-jarkon, Rakkon eno Joppa kukuu ayeghi süküqha ani.

⁴⁷ Kughou Danmi yeghi Leshemmi no hakho luvetsü keno panongu no iqho no tipaqo sasü aghüshi eno azütakikihi pesü kütsave tsü eno tile xüsüve. Panongu no Leshem phughi pesü pano pasü je kiqi lono Dan ipi kuvetsü.

⁴⁸ Hi no Dan shiaye ali kiqi lono amheghi shitsü keu yeghi, mishighüna hipaqo eno tipaqo gholo aphuqo.

Joshua Mheghi

⁴⁹ Israelmi no ayeghi kijeve kethiu, panongu no ayeghi leqhi lakhi pe Nun nu Joshua tsü.

⁵⁰ Ampeu zakütsü kiqi lono panongu no pa no khukeu mishighüna pesü tsü; ti ye Ephraim naghuto ghakhu lo Timnath-serah ipikeu mishighüna. Pa no aphughi tipau shiqhe kithe no tile acheuve.

⁵¹ Achineu Eleazar, Nun nu Joshua eno Israel shiaye chighikini lo sakiphemi no ayeghi hipaqo Ampeu zülo Shiloh lo kuposhukulu phiki lono asaqhi eno kijetsüe. Titoi panongu no ayeghi kikije ashekha shive.