JOSHUA 16 - Sumi Naga CL (Re-edited) Bible (BSI)

Ephraim ngo Manasseh Saje

¹ Joseph shiaye tsükeu saje no Jericho kupunu lo Jordan lono Jericho kipelau azüghi kuto, asayeqha eno Jericho lono Bethel toghi ghakhu kuto.

² Bethel lono Arkhimi yeghi, Ataroth kathasü Luz kutolo wuno

³ tileno kulolau Japhletmi yeghi küdau no, Beth-horon chhiliu yeghi kuto, tishino Gezer kathasü Azüghi lono kishekha.

⁴ Joseph laghami Ephraimmi ngo Manassehmi no pano mheghi ithulu.

⁵ Hipaqo no Ephraimmi yeghi, ali kiqi lono kothatsü: pano lughi ye kipelau Ataroth-addar lono Beth-horon lashou kuto,

⁶ aghuthu ye azüghi kuto. Ahuu ghuthu no Michmethath. Tishino kipelau ghuthu no hochesü Taanath-shiloh küdau wuno eno tipau veche kipelau Janoah kuto.

⁷ Janoah lono Ataroth ngo Naarah lo iqi no Jericho tove no Jordan lono kishekha.

⁸ Kulolau lughi no Tappuah lono kulola küdau Kanah ghoki kuto eno azüghi lono ashekha shive. Hi no Ephraim lagha lo ali kiqi lono amheghi tsükeu.

⁹ Tipau gholo Manassehmi lughi bocho lo akeqo phughi hami pe Ephraimmi tsüve.

¹⁰ Ikemu panongu no Canaanmi Gezer lo xü akemi haphe move, tighenguno ishi kutolo Canaanmi Ephraim gholo acheni ikemu panongu pelo anguka no aqemi shi mla achenipe.