JOB 26 - Sumi Naga CL (Re-edited) Bible (BSI)

Job: Alhou Kükanguagha ye Phumlae

¹ Tishino Job no khochile:

² “No ye aloqhi akükakumto küha kemi kuphu kena! Aphiau kimqemi nono kishita xalu püani kelae!

³ No ye kishita alokütsü küha kemi kichemije eno nibonilei akighithi tsa shuphetsü püani kelae!

⁴ Khuu kukuphu pesü atsa pilu, eno nono shephelu keu tuthu ye khuuw kea?

⁵ Azüghi qhou akemi kithimi no thüthüshi anie.

⁶ Kithigha ye Alhou zülo thoqhalei ani, Kithimi yeghi ye akünha kühae.

⁷ Pa no ahuu küdau kiumu küha ke-a lo atsütsü sükho eno kiu shoumu ghomo no ayeghi tshüqhipe qhie.

⁸ Paw khüngküsü shishoi keu lo azü ghopeqhi, ikemu tipau kimshi no khüngküsü puleve moe.

⁹ Pa no Paw khüngküsü sükhope aqhi gi khonhave tsü cheni.

¹⁰ Pa no aküvü ngo aküzü dolo alughi lono abocho mlape azüghi khepuchope qhie.

¹¹ Pa no lomipi kelo atsütsü tsükuchoqo no akichiqhipe thüthüshi itha cheni.

¹² Pa küka pesü Pa no azüghi ghasüve; eno Pa lokütsü pesü Rahab kütsave.

¹³ Pa tuthu pesü Pa no atsütsü shikimtheve tsü, eno Pa u no azü yithu pocheghi keu jiqhive.

¹⁴ Ikemu hipaqo ye Pa küka amihi likhi aphie, ningu ye kiutoi Pa ghili uyeu likhino chilu aphi kelae! Ikemu Pa küka tsütsüküsü toikeu khuu no vethaluni kea?