JEREMIYA 47 - Sumi Naga CL (Re-edited) Bible (BSI)

Philistiami shou Küghakütha

¹ Pharaoh no Gaza lemphi züu Philistiami ghenguno Ampeu tsa Jeremiah lau ighi.

² “Ampeu no ishi piani: Julo, ahuu no azü ithu cheni, tino züqo ghoki ilhouve nani; tino ayeghi eno tile akeu eno mishighüna lo xüküami kümtsü yimive nanie. Timiqo no ighamku nani, ayeghi lo küxümi no ighaqa nani.

³ Paw khurshiqo pukhu ghügha chilu kemtsa, khurkuluqo kupo, apukhuqo ghügha chilu kemtsa, apuqo no pano tianuli ghenguno athiu ideighimo nani; pano u miqemleive nani,

⁴ kughengu Philistiami kümtsü kütsaveni keu tsala cheni, Tyre ngo Sidon lono akukuphu kümtsü lakhave nani. Kughengu Ampeu no Philistiami kütsaleve nani, panongu ye Caphtor züghimkü lo ghükulumi ke.

⁵ Gaza no amloiju asa miyevae, Ashkelon ye püghavae. O pano khila lo ghükulumiqo, nongu ye khitohi nongu ampi ghüza anani kea?

⁶ Ah, Ampeu zütakikihi! No ye ado khitohi thiuno inaqhoive nani kea? O bohu lo ilovelo; inaqhoi shino akulhoqhi lo!

⁷ Ampeu no azah tsüve ake kishino ti ye inaqhoi luni kea? Ashkelon ngo azüghimkü shou iku penike Pa no süsüvae.”