JEREMIYA 45 - Sumi Naga CL (Re-edited) Bible (BSI)

Baruch lau Atsape

¹ Josiah nu, Judah kükau Jehoiakim yepe mpe abidiu lo tungkupu Jeremiah no Neriah nu Baruch lau shetsü no Baruch pelo atsa hipaqo yekithipe:

² “O Baruch, Ampeu, Israel Lhou no ishi o vilo pi ani:

³ Nono pike, ‘Ni ye ahaküsapue! Kughengu Ampeu no Iw shiluküsa lo aghime süküphave tsüae. Ni ye aghime ghügha no lhovae eno akulhoqhi mlavae.’

⁴ Ikemu Ampeu no ishi piani: Julo, I no shiqhe püakeu xaleqhive nani eno I no shosü püakeu nhüve nani.

⁵ No ye o ghenguno akümzapu thime phucheni keshea? Ti phu kevilo, kughengu I no küxümi kümtsü shou kütsakungo keu süghini cheni ikemu no ye nono khile khile wunamu I no asaxü kumlhoshi o küxü süshotsü nani, Ampeu no sheshu ani.”