ISAIAH 4 - Sumi Naga CL (Re-edited) Bible (BSI)

¹ Tipani totimi tsüni no kiptimi lakhi tsüqü pesü pi nani. “Ningu chuqupu ngo aphimini ye nino qhü nanike aje likhi nomu ningu pesü o nipu ipi lupe no thili shi akeu kukujo ikhive tsülo.”

Ampeu Pishe-amzü Juküvü

² Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

³ Khunoqo Jerusalem lo qhive keno, tile küxümi gholo aje aghi kemi pesü akimthemi ipi kunani,

⁴ Ampeu no Zion limiqo xine qhuve tsüno küghatha kepu mi pesü Jerusalem no aji dapu akeu pitive kethiuno titoi shinani.

⁵ Tishino Ampeu no Zion Naghuto shou eno aqoahomi shou puchou no khüngküsü, puthou no amchhi ngo ami mili phuphushi pipetsü nani; Ampeuw sükusho no tipau juküvü kümtsü khonhape anani.

⁶ Tino apushonha shi puchou külü lo akusho shitsü, eno pasapagha ngo tsütsüghu lo ijekulupu shitsü nani.