ISAIAH 20 - Sumi Naga CL (Re-edited) Bible (BSI)

Egypt ngo Cush shou Amchipu

¹ Assyria kükau Sargon no puwu keu zatou no Ashdod lo ighi püzü ti leluveke mpe lo

² Ampeu no Amoz nu Isaiah vecheo pi, “O chita lono yeqhiyephi xaqhive eno o pukhukuqho xavelo,” ikehu pa no titoi aphimpi ngo apukhu kümsa shino chewuve.

³ Tishino Ampeu no pi, “I qeu Isaiah no Egypt ngo Cush shou amchipu eno ghutu keu shi ampe küthü aphiau kümsa cheche keshi,

⁴ Assyria kükau no Egyptmi ngo Cushmi, kichi-iti kümtsü akughumi shi sasü Egypt shikukujo ghi ashibo nhatsü mono aphikümsa sawuve nani.

⁵ Tileno Cush shou lajube eno Egypt jupe qheza chekeqo ye alomtshü eno kujove nani.

⁶ Tipa tsalani azüghimkü lo küami no ishi pi nani, ‘Nino khuno pükhüpe Assyria kükau launo xaphe peniye akukuphu khuwu chekeno, tipaqo lau kiu shive akeno julo! Imaye, ninguu ye kishino poluni kea?’”