ISAIAH 12 - Sumi Naga CL (Re-edited) Bible (BSI)

Ampeu ye I Kumto eno I Le

¹ Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

² “Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

³ Nongu no alokivi shi xakulupu züpuki lono azü shophelu,

⁴ eno tipa tsala lo ishi pi nani: “Ampeu shikimthi tsülo, Pa je kulo, ashiayeqo vilo Pa kümla lhepiyelo, Pa ye sheqheküzü kepi shuphelo.

⁵ “Ampeu no akümzapu mlatsü ke Pa lau shekiqhe le phelo; ayeghiqha kümtsü no hi ithi pelo.

⁶ Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”