HOSIYA 3 - Sumi Naga CL (Re-edited) Bible (BSI)

Hosea no Pa Nipu Xachilelu

¹ Ampeu no I vilo pi, “Israel tianuliqo no kütau lhouqo lau tsüghüsü wuve eno atsaikipki sho kimiyeuve namu Ampeu no panongu kimiye aketoi itaghi wulo, totimi khuu kütami no kimiye ani eno küsalhami shi acheni keno li kimiyelo.”

² Tighenguno I no ghükayi chighipungu eno ashothi ahu 150 pe li qhüluve.

³ Eno I no li vilo pi, “No ye Iw kepi atsala kutomo I gholo xümasa. No ye kütüqha moni, momu timi kütamiw shimoae; tihutoi ni ghi o gholo acheuveni.”

⁴ Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

⁵ Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.