EZRA 10 - Sumi Naga CL (Re-edited) Bible (BSI)

Timiqo no Axine Piphe

¹ Kughou Ezra no Alhou kilo qhoqhünhepe inikhu qa eno akipimi piphe keno, Israel lo kiptimi, totimi eno itimiqo kutomo no pa gholo kumqo luve, kughengu timiqo no kukhukimji shi qa ake.

² Eno Elam lagha lo Jehiel nu Shecaniah no Ezra vilo pi: “Ningu ye ni Lhou lau aküpülü hexave no aghakhu lo inaghalimi sasü kiye shivae, tishive aghi namu Israelmi ghenguno lajupu aphie.

³ Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

⁴ Ithulo, kughengu hi ye o kümlapue, eno ningu ye o gholo anie; akumtoshi hipau shilo.”

⁵ Tileno Ezra no ithu no achinetomi, Levimi eno Israelmi kümtsü pelo panongu no pive keu shi penike ashoqhi tsü. Ikehu panongu no tushoqhive.

⁶ Tithiu Ezra ye Alhou ki lono idechilesü Eliashib nu Jehohanan chebo lo wuve, pa ye asho chumo eno azü ghi yemo no putho tsala puwove kughengu pa ye haphe sawuve no ideighi kemi küpülü küküha ghenguno mloqa ae.

⁷ Judah ngo Jerusalem qha kümtsü lo haphe sawuve no ideighi kemi kümtsü lau Jerusalem lo hekütsü lopi asheshu,

⁸ khuana no atsala küthü dolo ighimo aye, hiyampemi eno layemiqo zakütsü kiqi lono pa mheghi kümtsü luve tsüni, eno pa ye haphe sawuve no ideighi keqo mqo lono qhiveni keu shive.

⁹ Tileno Judah ngo Benjamin timi kümtsü atsala küthü dolono Jerusalem lo hekütsü luve. Ti ye aqhi atokuu lo atsala amkuu shiae. Timi kümtsü no hipau vehu ghenguno eno tsütsüghu kije ghuqhi akeu ghenguno thüthüshi Alhou ki khalau iqa luve.

¹⁰ Eno achineu Ezra no puthughove no panoqo vilo pi, “Nongu ye aküpülü hexave no inaghalimi sasü kiye shivae, eno tino Israel kipimi kighishevae.

¹¹ Ikehu itehi ye Ampeu, no puasüqo Lhou lau axine piphelo eno Pa pulou shilo. Aghakhu lo ashiayeqo eno inaghalimi nipuqo launo nongu pesü kütüta shivelo.”

¹² Tile kumqo akemi no asütsa kije lono khochile, “Tishike; ningu ye nono pike toi shimasae.

¹³ Ikemu timi no kutomo, eno hi ye tsütsüghu kije ighi akeu doke; ningu ye khalau ngomla nani. Tilikhi kumono hi ye atsala lakhi kini vehu shiamoe, kughengu hipa tsalo ningu ye ighono axine kije shive ake.

¹⁴ Niw hiyampemi no aqo kümtsü züqhu shivetsü pelo. Ni Lhou xukighide no ningu launo tsüghüve moke kutolo niw mishighünaqo lo inaghalimi sasü külave aghi keqo no kihikütha dolono ighilo, eno aphughi lo layemi ngo xaküthami no panoqo sasü ighilo.”

¹⁵ Asahel nu Jonathan ngo Tikvah nu Jahzeiah pama likhino hipau lachile eno Levimi Meshullam ngo Shabbethai no pama saphuve.

¹⁶ Tithiu haphe sawuve no ideighi kemi no tishie. Ezra achineu no timiqo kishephe, ali tomi, pütüta kibo lo apu eno akümla je kiqi lono kishephe. Aqhi achighiu atsala atüghüu lo panongu no ti phunike kuto,

¹⁷ eno aqhi atüghüu atsala atüghüu loye khunoqo inaghalimi sasü akibo shive keno kümtsü kihikütsü khave.

Kütshükungo Külave Kemi

¹⁸ Tile achinemi nuli khami inaghalimi sasü akibo shive kemi phuphelu: Jozadak nu Jeshua lagha eno pa thiküzümi, Maaseiah, Eliezer, Jarib, eno Gedaliah.

¹⁹ Panongu no pano nipuqo pheveni pi tushoqhi eno pimive ke ghenguno akipimi kümllagho shi anetsü pesü mlla.

²⁰ Immer lagha: Hanani ngo Zebadiah.

²¹ Harim lagha: Maaseiah, Elijah, Shemaiah, Jehiel, eno Uzziah.

²² Pashhur lagha: Elioenai, Maaseiah, Ishmael, Nethanel, Jozabad, eno Elasah.

²³ Levi lagha lo: Jozabad, Shimei, Kelaiah (ti ye Kelita), Pethahiah, Judah, eno Eliezer.

²⁴ Alephemi lagha: Eliashib. Khagho khemi lagha: Shallum, Telem, eno Uri.

²⁵ Israelmi kütami: Parosh lagha lo: Ramiah, Izziah, Malkhijah, Mijamin, Eleazar, Hashabiah, eno Benaiah.

²⁶ Elam lagha lo: Mattaniah, Zechariah, Jehiel, Abdi, Jeremoth, eno Elijah.

²⁷ Zattu lagha lo: Elioenai, Eliashib, Mattaniah, Jeremoth, Zabad, eno Aziza.

²⁸ Bebai lagha lo Jehohanan, Hananiah, Zabbai, eno Athlai.

²⁹ Bani lagha lo Meshullam, Malluch, Adaiah, Jashub, Sheal, eno Jeremoth.

³⁰ Pahath-moab lagha: Adna, Chelal, Benaiah, Maaseiah, Mattaniah, Bezalel, Binnui, eno Manasseh.

³¹ Harim lagha: Eliezer, Ishijah, Malkhijah, Shemaiah, Shimeon,

³² Benjamin, Malluch, eno Shemariah.

³³ Hashum lagha: Mattenai, Mattattah, Zabad, Eliphelet, Jeremai, Manasseh, eno Shimei.

³⁴ Bani lagha: Maadai, Amram, Uel,

³⁵ Benaiah, Bedeiah, Cheluhi,

³⁶ Vaniah, Meremoth, Eliashib,

³⁷ Mattaniah, Mattenai eno Jaasu.

³⁸ Binnui lagha: Shimei,

³⁹ Shelemiah, Nathan, Adaiah,

⁴⁰ Machnadebai, Shashai, Sharai,

⁴¹ Azarel, Shelemiah, Shemariah,

⁴² Shallum, Amariah, eno Joseph.

⁴³ Nebo lagha lo: Jeiel, Mattithiah, Zabad, Zebina, Jaddai, Joel, eno Benaiah.

⁴⁴ Hipaqo kümtsü inaghalimi sasü akibo shive, eno totimi khami ye atianuli ghi punuve.