EZEKEL 48 - Sumi Naga CL (Re-edited) Bible (BSI)

¹ “Hipaqo no ashiayeqo je ke: Ahuu akütsüqa lono huthusü Hethlon la phivilo no Lebo-hamath eno Hazar-enam kutolo (ti ye ahuu Damascus lughi shou Hamath lo ani), eno kipelau no kulolau kuto, tino Dan ghenguno asaje lakhi.

² Dan yeghi kikime lo kipelau no kulolau kutolo Asher ghenguno asaje lakhi.

³ Asher yeghi kikime lo kipelau no kulolau kutolo Naphtali ghenguno asaje lakhi.

⁴ Naphtali yeghi kikime lo kipelau no kulolau kutolo Manasseh ghenguno asaje lakhi.

⁵ Manasseh yeghi kikime lo kipelau no kulolau kutolo Ephraim ghenguno asaje lakhi.

⁶ Ephraim yeghi kikime lo kipelau no kulolau kutolo Reuben ghenguno asaje lakhi.

⁷ Reuben yeghi kikime lo kipelau no kulolau kutolo Judah ghenguno asaje lakhi.

⁸ “Judah yeghi kikime lo kipelau no kulolau kutolo asaje lakhi pakütashi ikhithape qhini, akijelau kilometer 12, eno akushulau ye kipelau no kulolau kutolo ashiayeqo saje qhemi shini, tipau mta lo akimtheki anani.

⁹ Asaje nongu no Ampeu ghenguno ikhithape qhini keu ye akushulau kilometer 12 shini eno akijelau kilometer 10 shini.

¹⁰ Hipaqo no akimthe saje shini: achinemi ghenguno ahuu kilometer 12, kulolau no akijelau kilometer 5, kipelau no akijelau kilometer 5 eno apeu no akushulau kilometer 12 tsüni, eno Ampeu kimtheki no tipa mta lo anani.

¹¹ Hi ye kishekimtheve kemi chinemi, Zadok limi, khunoqo Israelmi ngo Levimi no lavela lo wuve keloghi panongu ye wumono I zakütsü pape cheni keno panoqo ghenguno ke.

¹² Hi ye panoqo ghenguno akimthe saje, shishe akimthe-a lono kütavi saje yeghi ke, ti ye Levimi ghüna kikime loke.

¹³ Achinemi ghüna phivilo Levimi ye asaje lakhi akushulau kilometer 12 eno akijelau kilometer 5 qhilo. Ayeghi tipau kupuju ye akushulau kilometer 12 eno akijelau kilometer 10 shini.

¹⁴ Panongu ye tipau jemo momu kili moni. Panongu ye ayeghi saje akighiche hipau kotha pühave monani, kughengu ti ye Ampeu zülo akimthe ke.

¹⁵ “Akijelau kilometer kini tüxa eno akushulau kilometer 12 achili ye mishighüna ghenguno aqo no peithani, ti ye küghüna kepu ngo aluza ghenguno shini. Tipau mta lo mishighüna anani,

¹⁶ eno akimghi ye hitoi shini: Ahuu, apeu, kipelau, eno kulolau ako kümtsü lo kilometer 2.

¹⁷ Mishighüna lo aluza anani: ahuu, apeu, kipelau, eno kulolau ako kümtsü lo auxakuchho 125.

¹⁸ Akimthe saje lo akushulau achili aghikeu ye kipelau kilometer 5 eno kulolau kilometer 5, akimthe saje kikime lo shini. Tipau lono tüxatini ipeghi keu ye mishighüna lo akümlami ghenguno ke.

¹⁹ Mishighüna lo kümlami ye Israel shiaye kümtsü lono shini, panongu no tipau hokideni.

²⁰ Asaje kupuju nongu no ikhithape qhini keu ye kobidi shi kilometer 12 shini, ti ye mishighüna lo asaje akeu gholono akimthe saje ke.

²¹ “Akimthe saje lo ako hula-hila kiu achili aghini keno ti ye kükapuu ghenguno shini. Akimthe saje lono kilometer 12 qhachhope kipelau ghuthu kuto, eno kilometer 12 kulolau ghuthu kuto, ashiayeqo saje mtsa lono kükapuu saje shini. Akimthe saje lo achineki ye tipau mta lo anani.

²² Ti ye Levimi saje eno mishighüna saje lono paküta shini, ti ye kükapuu saje mta lo anani. Kükapuu saje ye Judah yeghi eno Benjamin yeghi dolo anani.

²³ “Ashiaye kütami ghenguno ishini: kipelau no kulolau kutolo Benjamin ghenguno asaje lakhi.

²⁴ Benjamin yeghi kikime lo kipelau no kulolau kutolo Simeon ghenguno asaje lakhi.

²⁵ Simeon yeghi kikime lo kipelau no kulolau kutolo Issachar ghenguno asaje lakhi.

²⁶ Issachar yeghi kikime lo kipelau no kulolau kutolo Zebulun ghenguno asaje lakhi.

²⁷ Zebulun yeghi kikime lo kipelau no kulolau kutolo Gad ghenguno asaje lakhi.

²⁸ Apeu Gad yeghi kikime lo Tamar lughi lono Meribah-kadesh züpuki kuto, tishino Egypt Ghokiti lono Azüghi Kije kuto.

²⁹ Israelmi dolo amheghi shi kijetsü nikeu yeghi ye hike, eno hipaqo no pano saje ipi Ampeu Alhou no sheshu.

Mishighüna Khaghoqo

³⁰ “Mishighüna lo ikipe laghi ye hipaqo no shini: Ahuu kimghi kilometer kini tüxa,

³¹ tilehi khagho küthü, ti ye Reuben khagho, Judah khagho, eno Levi khagho shini, khaghoqo ye Israel shiaye kiqi lo aje kutsüe.

³² Kipelau kilometer kini tüxa, tile khagho küthü, ti ye Joseph khagho, Benjamin khagho, eno Dan khagho.

³³ Apeu kimghi kilometer kini tüxa, tile khagho küthü, ti ye Simeon khagho, Issachar khagho, eno Zebulun khagho.

³⁴ Kulolau kimghi kilometer kini tüxa, tile khagho küthü anani, ti ye Gad khagho, Asher khagho, eno Naphtali khagho.

³⁵ Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”