EZEKEL 15 - Sumi Naga CL (Re-edited) Bible (BSI)

Jerusalem, Ameküküha Tsaibo

¹ Ampeu tsa I lau ighi:

² “Timi nu, aghasü lo asübo akeqo dolo kishino atsai kighibosü, atsai loka no asü kütau nguno akiviu shiluni kea?

³ Atsaibosü pesü kiukiu thime mu mlalu nanio? Timiqo ye tipau pesü ali pufupe kepu shilu nani keshea?

⁴ Julo, ti ye süküghüpusü shi peithave cheni. Kughou ami no tipau aboake eno amta kuchopu pitiveni keno ti ye kiu lomu peitha kulupu ani keshea?

⁵ Julo, tino akupuju akelo thotsü kiu lomu peitha kulupu shimoke ami no pitive no amiyi ilhouve kethiu ye kishita kiu lomu peitha mla nani kelae!

⁶ Tighenguno Ampeu Alhou no ishi piani: Aghasü lo asüboqo dolo atsaibosü khikhi I no ami lo süküghüpusü shi ikhipheve tsü akeno titoi I no Jerusalem lo küxümiqo ye kile phevae.

⁷ I no I gi kughope panoqo lachile nani. Panongu no ami lono pokaluve namu, ami no panoqo pitiqhive nani, eno kughou I no I gi kughope panoqo lachileni keno panongu no Ni ye Ampeu kepi ithi nani.

⁸ I no ayeghi hipau pesü küghüküghaleive tsü nani, kughengu panongu no pükhükümlapu shive ke, Ampeu Alhou no asheshue.”