BOTHUBO 5 - Sumi Naga CL (Re-edited) Bible (BSI)

Adam Kughuko lono Noah Kuto

¹ Hi no Adam kughuko kaku. Kughou Alhou no timi pulhosü keno, Pa no Alhou jukimihi lono pa lhoe.

² Kiptimi ngo totimi Pa no lhosü, eno panoqo kümghatsü no panoqo je Timi ipi kuvetsü.

³ Adam no ampe 130 xüve kethiu, pa no pa julho eno pa jukimihi lono anu lakhi papu shilu, eno pa je Seth kutsü.

⁴ Pa nu Seth punuve kethiu Adam mpe ye 800; eno pa ye atianuli kütami ghi ache.

⁵ Ikehu Adam küxü mpe ye 930, eno pa ye thive.

⁶ Seth no ampe 105 xüve kethiuno Enosh ithulu.

⁷ Seth ye Enosh ithuluve kethiu ampe 807 xü eno atianuli kütami ghi ithulu.

⁸ Tishino Seth ye ampe 912 xüno thive.

⁹ Enosh no ampe 90 xüve kethiuno Kenan ithulu.

¹⁰ Enosh ye Kenan ithuluve kethiu ampe 815 xü eno atianuli kütami ghi ithulu.

¹¹ Ikehu pa ye ampe 905 xüno thive.

¹² Kenan no ampe 70 xüve kethiuno Mahalalel ithulu.

¹³ Kenan ye Mahalalel ithuluve kethiu ampe 840 xü eno atianuli kütami ghi ithulu.

¹⁴ Tishino pa ye ampe 910 xüno thive.

¹⁵ Mahalalel no ampe 65 xüve kethiuno Jared ithulu.

¹⁶ Mahalalel ye Jared ithuluve kethiu ampe 830 xü eno atianuli kütami ghi ithulu.

¹⁷ Tishino Mahalalel ye ampe 895 xüno thive.

¹⁸ Jared no ampe 162 xüve kethiuno Enoch ithulu.

¹⁹ Jared ye Enoch ithuluve kethiu ampe 800 xü eno atianuli kütami ghi ithulu.

²⁰ Tishino Jared ye ampe 962 xüno thive.

²¹ Enoch no ampe 65 xüve kethiuno Methuselah ithulu.

²² Enoch ye Alhou gholo cheche, pa ye Methuselah ithuluve kethiu ampe 300 xü eno atianuli kütami ghi ithulu.

²³ Enoch ye ampe 365 xü.

²⁴ Pa ye Alhou gholo checheke, eno pa ye phumlave, kughengu Alhou no pa sawuve.

²⁵ Methuselah no ampe 187 xüve kethiuno Lamech ithulu.

²⁶ Methuselah ye Lamech ithuluve kethiu ampe 782 xü eno atianuli kütami ghi ithulu.

²⁷ Tishino Methuselah ye ampe 969 xüno thive.

²⁸ Lamech no ampe 182 xüve kethiuno anu lakhi ithulu

²⁹ pa je Noah kutsü no pi, “Ampeu no müsüinive keu yeghi lo nino ichheime mla chekeu lono hipau no akukuphu ni lau süghi nani.”

³⁰ Lamech ye Noah ithuluve kethiu ampe 595 xü eno atianuli kütami ghi ithulu.

³¹ Tishino Lamech ye ampe 777 xüno thive.

³² Noah ye ampe 500 shive kethiuno Shem, Ham eno Japheth ithulue.