AKIKIHI 7 - Sumi Naga CL (Re-edited) Bible (BSI)

Ampeu Phiki Ikhikiphe Kümllagho

¹ Kughou Moses no Ampeu Phiki shiqhepe shikimthe eno tile thime jeli ngo akiptia kümtsü kishekimthepe ikhiphetsü keno, tipani no

² Israel lo atomi, alagha-ali lo akütsü khunono aje süpüa keqo saphe chekeno, kümtsü ighi

³ eno Ampeu zülo pano kümllagho mishikulu tsügho eno amshitsü chighikini, ti ye atomi kini lo mishikulu lakhi eno amshitsü no aküphashi lakhikhi, sawo Ampeu Phiki zülo qhitsü.

⁴ Tileno Ampeu no Moses vilo pi,

⁵ “Aphiki lo kümlapu ghenguno panongu gho hipaqo ikhilulo, eno Levimi pelo pütüta kümlapu lo peitha penike tsüvelo.”

⁶ Ikehu Moses no tipaqo luve no Levimi tsüve.

⁷ Pa no pütüta kümlapu kiqi lono mishikulu kini eno amshitsü bidi pesü Gershon laghami tsüve;

⁸ mishikulu bidi eno amshitsü tache no achineu Aaron nu Ithamar mijekütsü qholono mlache kemi Merari laghami tsüve.

⁹ Ikemu Kohath laghami ye tsümove, kughengu panongu ye abighi lono akimthepu thimeqo xapu penike pichebe püake.

¹⁰ Akiptia ikhiphe tsüke tsalani atomiqo no pano kümllagho pesü akiptia zülo ighi.

¹¹ Eno Ampeu no Moses vilo pi, “Atsala lakhi lo atomi lakhikhi no akiptia ikhiphekütsü ghenguno akümllagho pesü mllani.”

¹² Atsala atüghüu lono Judah shiaye lo Amminadab nu Nahshon no pa kümllagho pesü tsü.

¹³ Pa kümllagho ye hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

¹⁴ ameshoyi khu gram 110 lo akiptita chhitoi;

¹⁵ akipti kümllagho ghenguno amshitsü, ambetsü, ampe lakhi mbetsü, lakhikhi;

¹⁶ axine kümllagho ghenguno anetsü lakhi;

¹⁷ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Amminadab nu Nahshon kümllagho.

¹⁸ Atsala akiniuni Issachar lagha tou Zuar nu Nethanel no akümllagho tsü.

¹⁹ Pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

²⁰ ameshoyi khu gram 110 lo akiptita chhitoi;

²¹ akipti kümllagho ghenguno amshitsü, ambetsü, ampe lakhi mbetsü, lakhikhi;

²² axine kümllagho ghenguno anetsü lakhi;

²³ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Zuar nu Nethanel kümllagho.

²⁴ Aküthüni no Zebulun lagha tou Helon nu Eliab:

²⁵ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

²⁶ ameshoyi khu gram 110 lo akiptita chhitoi;

²⁷ akipti kümllagho ghenguno amshitsü, ambetsü, ampe lakhi mbetsü, lakhikhi;

²⁸ axine kümllagho ghenguno anetsü lakhi;

²⁹ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Helon nu Eliab kümllagho.

³⁰ Abidini no Reuben lagha tou Shedeur nu Elizur:

³¹ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

³² ameshoyi khu gram 110 lo akiptita chhitoi;

³³ akipti kümllagho ghenguno amshitsü, ambetsü, ampe lakhi mbetsü, lakhikhi;

³⁴ axine kümllagho ghenguno anetsü lakhi;

³⁵ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Shedeur nu Elizur kümllagho.

³⁶ Apunguni no Simeon lagha tou Zurishaddai nu Shelumiel:

³⁷ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

³⁸ ameshoyi khu gram 110 lo akiptita chhitoi;

³⁹ akipti kümllagho ghenguno amshitsü, ambetsü, ampe lakhi mbetsü, lakhikhi;

⁴⁰ axine kümllagho ghenguno anetsü lakhi;

⁴¹ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Zurishaddai nu Shelumiel kümllagho.

⁴² Akütsüghoni no Gad lagha tou Deuel nu Eliasaph:

⁴³ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

⁴⁴ ameshoyi khu gram 110 lo akiptita chhitoi;

⁴⁵ akipti kümllagho ghenguno amshitsü, ambetsü, ampe lakhi mbetsü, lakhikhi;

⁴⁶ axine kümllagho ghenguno anetsü lakhi;

⁴⁷ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Deuel nu Eliasaph kümllagho.

⁴⁸ Akütsüniuni no Ephraim lagha tou Ammihud nu Elishama:

⁴⁹ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

⁵⁰ ameshoyi khu gram 110 lo akiptita chhitoi;

⁵¹ akipti kümllagho ghenguno amshitsü, ambetsü, ampe lakhi mbetsü, lakhikhi;

⁵² axine kümllagho ghenguno anetsü lakhi;

⁵³ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Ammihud nu Elishama kümllagho.

⁵⁴ Akütacheni no Manasseh lagha tou Pedahzur nu Gamaliel:

⁵⁵ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

⁵⁶ ameshoyi khu gram 110 lo akiptita chhitoi;

⁵⁷ akipti kümllagho ghenguno amshitsü, ambetsü, ampe lakhi mbetsü, lakhikhi;

⁵⁸ axine kümllagho ghenguno anetsü lakhi;

⁵⁹ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Pedahzur nu Gamaliel kümllagho.

⁶⁰ Atokuni no Benjamin lagha tou Gideoni nu Abidan:

⁶¹ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

⁶² ameshoyi khu gram 110 lo akiptita chhitoi;

⁶³ akipti kümllagho ghenguno amshitsü, ambetsü, ampe lakhi mbetsü, lakhikhi;

⁶⁴ axine kümllagho ghenguno anetsü lakhi;

⁶⁵ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Abidan nu Gideoni kümllagho.

⁶⁶ Achighini no Dan lagha tou Ammishaddai nu Ahiezer:

⁶⁷ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

⁶⁸ ameshoyi khu gram 110 lo akiptita chhitoi;

⁶⁹ akipti kümllagho ghenguno amshitsü, ambetsü, ampe lakhi mbetsü, lakhikhi;

⁷⁰ axine kümllagho ghenguno anetsü lakhi;

⁷¹ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Ammishaddai nu Ahiezer kümllagho.

⁷² Chighiaqhaqhiuni no Asher lagha tou Ochran nu Pagiel:

⁷³ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

⁷⁴ ameshoyi khu gram 110 lo akiptita chhitoi;

⁷⁵ akipti kümllagho ghenguno amshitsü, ambetsü, ampe lakhi mbetsü, lakhikhi;

⁷⁶ axine kümllagho ghenguno anetsü lakhi;

⁷⁷ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Ochran nu Pagiel kümllagho.

⁷⁸ Chighiakiniuni no Naphtali lagha tou Enan nu Ahira:

⁷⁹ pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

⁸⁰ ameshoyi khu gram 110 lo akiptita chhitoi;

⁸¹ akipti kümllagho ghenguno amshitsü, ambetsü, ampe lakhi mbetsü, lakhikhi;

⁸² axine kümllagho ghenguno anetsü lakhi;

⁸³ eno külakishi kümllagho ghenguno amshitsü kini, ambetsü pungu, anetsü pungu, eno ampe lakhi mbeti pungu. Hino Enan nu Ahira kümllagho.

⁸⁴ Akiptia shikimtheke tsalani Israel lo atomi no ikhiphekütsü kümllagho hitoi tsü: ghükayi khu chighikini; ghükayi chithakhu chighikini; ameshoyi khu chighikini;

⁸⁵ ghükayi khu lakhikhi lo ahu lakhi tüxa eno chithakhu no gram 800, hi kümtsü küqha kelo ghükayi nhemgha no ahu 27, ti ye achineki lo pechekeu kimshi kiqi lono;

⁸⁶ ameshoyi khu chighikini akiptita no chhitotoi, lakhikhi lo gram 110 kelo ahu lakhi eno gram 320;

⁸⁷ akipti kümllagho ghenguno amshitsü, ambetsü, ampe lakhi mbetsü, hi kümtsü chighikinini, tipaqo gholono athi kümllagho; axine kümllagho ghenguno anetsü chighikini;

⁸⁸ külakishi kümllagho ghenguno amshitsü 24, ambetsü 60, anetsü 60, ampe lakhi mbeti 60. Hino akiptia shikimthe kelo ikhiphekütsü kümllagho ke.

⁸⁹ Kughou Moses no Ampeu sasü küptsani ye Aphiki lo ilo keno, pa no Puloshoqhi bohu shou cherubim kini dolo küpükini lakhü akeu shouno asütsa lakhi chilu, eno tino pa pütsae.