AKIKIHI 34 - Sumi Naga CL (Re-edited) Bible (BSI)

Ayeghi Lughi

¹ Ampeu no Moses vilo pi,

² “Israelmi lau ishi azah tsülo, Kughou nongu no Canaan lo iloni keno, (Canaan yeghi, nongu mheghi shiniye akeu ye alughi hitoi ani),

³ Apeu ghuthu no Edom phivilo Zin sayeqha, eno apeu lughi ye kipelau Amti Züghi shekhau no huthuni.

⁴ Nongu lughi ye Akrabbim ikuqho la küdau no apeu tsüghü iqiveni eno tino tsüghüsü Zin vechesü apeu Kadesh-barnea kutolo ke. Tileno Hazar-addar kutolo eno Azmon kuto.

⁵ Azmon lono tsüghüsü Egypt lughi lo akhila küdau wuno azüghi lono kishekhani.

⁶ “Kulolau ye Azüghi Akijeu eno tipau mkü no alughi shini.

⁷ “Ahuu lughi ye hitoi ani: Azüghi Akijeu lono Hor Toghi kutolo.

⁸ Tileno Lebo-hamath kutolo eno tino Zedad lono kishekhani.

⁹ Alughi ye Ziphron kutolo wuni eno Hazar-enan lono ashekha shini. Hi no ahuu lughi.

¹⁰ “Kipela lughi ye Hazar-enan lono Shepham kuto.

¹¹ Shepham lono apeu Riblah lo iqini eno tino kipelau Ain kutolo. Alughi ye apeu iqi no kipelau Chinnereth Züghi mqa toni.

¹² Tileno iqi Jordan toni eno Amti Züghi kuto. Hipaqo no nongu yeghi lughi hu-wo to akeuke.”

¹³ Moses no Israelmi vilo pi, “Nongu no asaqhi no ayeghi hipau now shilo, hi ye Ampeu no alagha toku eno tüxa ghenguno kophetsü keu yeghi ke.

¹⁴ Reuben ngo Gad shiaye eno Manasseh shiaye tüxa ye ali kiqi lono pano mheghi ithuluvae.

¹⁵ Ashiaye kini eno tüxa ye Jordan kukuu Jericho kipelau panoqo mheghi ithuluvae.”

Ashiaye Tomiqo Je

¹⁶ Ampeu no Moses vilo pi,

¹⁷ “Timi hipaqo no ayeghi kijetha pe amheghi shi timiqo tsüni: Achineu Eleazar ngo Nun nu Joshua pama.

¹⁸ Ashiaye lakhikhi lo atomi lakhikhi kishepe ayeghi kikije lo ngoni.

¹⁹ Hipaqo no ashiaye züqhu shini: Judah shiaye lono Jephunneh nu Caleb.

²⁰ Simeon shiaye lono Ammihud nu Shemuel.

²¹ Benjamin shiaye lono Chislon nu Elidad.

²² Dan shiaye lono Jogli nu atou Bukki.

²³ Joseph shiaye lo Manasseh limi lono Ephod nu atou Hanniel.

²⁴ Ephraim shiaye lono Shiphtan nu atou Kemuel.

²⁵ Zebulun shiaye lono Parnach nu atou Elizaphan.

²⁶ Issachar shiaye lono Azzan nu atou Paltiel.

²⁷ Asher shiaye lono Shelomi nu atou Ahihud.

²⁸ Naphtali shiaye lono Ammihud nu atou Pedahel.”

²⁹ Timi hipaqo pelo Canaan yeghi lo Israelmi ghenguno amheghi yeghi kijetsü penike Ampeu no azah tsüke.