AKIKIHI 33 - Sumi Naga CL (Re-edited) Bible (BSI)

Israel Ghüzüla Pasü

¹ Moses ngo Aaron pama sakiphe qholono Israelmi no amqo kiqi lono ishi Egypt lono ipeghi.

² Ampeu zakütsü lono amqo kiqi lono apasü shi Moses no hukuthu-a lono yepüatsü ani.

³ Aqhi atüghüu atsala chighiapunguni no panongu ye Rameses lono chewu. Hechekulu shiwo atsala atüghüni no Israelmi ye Egyptmi nhethe lono iqhaighu Egypt lono cheipe,

⁴ ti ye Ampeu no anu anoghimi heqhive tsü keqo Egyptmi no shiqho ake lonoke. Ampeu no pano lhouqo shou ghi küghathabe tsüe.

⁵ Israelmi no Rameses lono chewo Succoth lo aghazü shi.

⁶ Eno panongu ye Succoth lono chewo asayeqha phivilo Etham lo aghazü shie.

⁷ Tithiu Etham lono idewo Baal-zephon kipelau Pi-hahiroth lo ighi no Migdol gizüu aghazü shie.

⁸ Panongu no Hahiroth lono chesü azüghi mta kathasü asayeqha lo ilove no atsala küthü kutolo chesü Etham qhalo wuno Marah lo aghazü shilu.

⁹ Marah lono chesü Elim lo azüpuki chighikini eno amsabo lhotsüni akeu lo aghazü shi.

¹⁰ Eno Elim lono chesü Akuhu Züghi phivilo aghazü shi.

¹¹ Akuhu Züghi lono Sin sayeqha lo aghazü shi.

¹² Sin sayeqha lono Dophkah.

¹³ Dophkah lono Alush.

¹⁴ Alush lono Rephidim; tilehi timiqo ye azü yekepu kühave.

¹⁵ Rephidim lono Sinai.

¹⁶ Sinai lono Kibroth-hattaavah.

¹⁷ Kibroth-hattaavah lono Hazeroth.

¹⁸ Hazeroth lono Rithmah.

¹⁹ Rithmah lono Rimmon-perez.

²⁰ Rimmon-perez lono Libnah.

²¹ Libnah lono Rissah.

²² Rissah lono Kehelathah.

²³ Kehelathah lono Shepher Toghi.

²⁴ Shepher Toghi lono Haradah.

²⁵ Haradah lono Makheloth.

²⁶ Makheloth lono Tahath.

²⁷ Tahath lono Terah.

²⁸ Terah lono Mithkah.

²⁹ Mithkah lono Hashmonah.

³⁰ Hashmonah lono Moseroth.

³¹ Moseroth lono Bene-jaakan.

³² Bene-jaakan lono Hor-haggidgad.

³³ Hor-haggidgad lono Jotbathah.

³⁴ Jotbathah lono Abronah.

³⁵ Abronah lono Ezion-geber.

³⁶ Ezion-geber lono Zin sayeqha (ti ye Kadesh).

³⁷ Eno Kadesh lono Hor Toghi lo aghazü shi, ti ye Edom lughi phivilo ke.

³⁸ Tile achineu Aaron ye Ampeu zakütsü lono Hor Toghi lo iqho no tilauno thive; ti ye Israelmi no Egypt lono ipeghi keu ampe lhobidi aqhi apunguu atsala atüghüu shiae.

³⁹ Eno Aaron ye Hor Toghi lono thive kelo ampe 123 shiae.

⁴⁰ Ikelo Canaanmi, Arad kükau khuu Canaan apeu ache keno, pa no Israelmi chekeu chiluve.

⁴¹ Israelmi no Hor Toghi lono chesü Zalmonah lo aghazü shi.

⁴² Eno Zalmonah lono Punon lo aghazü shi.

⁴³ Punon lono Oboth.

⁴⁴ Oboth lono Iye-abarim; ti ye Moabmi ghakhu loke.

⁴⁵ Iyim lono Dibon-gad.

⁴⁶ Dibon-gad lono Almon-diblathaim.

⁴⁷ Almon-diblathaim lono Nebo gizüu Abarim naghuto lo aghazü shi.

⁴⁸ Abarim naghuto lono Moab qa yeghi Jordan phivilo Jericho lo aghazü shi;

⁴⁹ panongu no Moab qa yeghi Jordan phivilo Beth-jeshimoth lono wo Abel-shittim kutolo aghazü shie.

Canaanmi Haphe

⁵⁰ Ampeu no Moab qa Jordan phivilo Jericho lono Moses vilo pi,

⁵¹ “Israelmi vilo ishi pilo, Kughou nongu no Jordan kathasü Canaan lo iloni keno,

⁵² nongu ye tipa yeghi lo küghüna akemi kümtsü hapupove lo, panow asü-atu ngo ayi julho kümtsü kuboleve lo, eno panow qhemghaike-a kümtsü kütsave tsülo.

⁵³ Tishino nongu no aghakhu qhasü lulo kughengu I no tipau pesü nongu tsü anike.

⁵⁴ Nongu ye alagha kiqi lono asaqhi no ayeghi kijethalo. Ashiaye kije lau amheghi yeghi kije tsülo eno ashiaye aghulo lau amheghi yeghi aghulo tsülo.

⁵⁵ Ikemu nongu no ayeghi tipau lo küghüna akemi hapupo khamove aye, tile akemi huno nongu nhethi lo amuchhu akeshi eno no jibo lo asahu akeshi pünaqhi nani, eno nongu no akeu ghakhu lo panongu no nongu pünaqhi che nani.

⁵⁶ Eno I no panoqo lau kiu shinike kughuni keno titoi nongu lau shi nani.”