AKIKIHI 29 - Sumi Naga CL (Re-edited) Bible (BSI)

Ampe Kithe Kümllagho

¹ “Aqhi akütsüniu atsala atüghüni nongu ye akimtheshi kuho kumqo lo, eno kiu kümla mu shimoni. Ti ye nongu no afuko küighani keu tsala ke,

² nongu no Ampeu lopushi tsüngqüi akipti kümllagho hitoi Pa tsüni; tukutiye kühakeu mishitsü lakhi, anetsü lakhi eno ampe lakhi mbetsü tsüni;

³ athi kümllagho shi ashomkhu akiviu thazü gholo kunuve keu pesü hitoi tsülo; amshitsü lakhi gholo ahu tsügho, anetsü gholo ahu bidi,

⁴ eno ambe tsüni ghenguno lakhikhi gholo ahu kini tsülo,

⁵ axine kümllagho shi anetsü lakhi pesü nongu ghenguno lochileni;

⁶ hi ye aqhi kithelo akipti kümllagho, athi kümllagho, eno tsalakipe kipti kümllagho ngo athi kümllagho eno atsaizü kümllagho nguno alau tsüni keu ke; eno ayezah kiqi lono Ampeu lopushi tsüngqüi achuqupu kümllagho tsü keu ke.

Lokichile Tsala lo Kümllagho

⁷ “Aqhi akütsüniu atsala achighiu lo nongu ye akimtheshi kuho kumqo lo, chusho moni eno kiu kümla mu shimoni,

⁸ ikemu Ampeu lopushi tsüngqüi akipti kümllagho hitoi tsüni: amshitsü lakhi, anetsü lakhi eno ampe lakhi mbetsü tsüni: tipaqo ye tukutiye kühakeu shini.

⁹ Athi kümllagho shi ashomkhu akiviu thazü gholo kunuve keu pesü amshitsü lakhi gholo ahu tsügho, anetsü gholo ahu bidi,

¹⁰ eno ambe tsüni ghenguno lakhikhi gholo ahu kini tsülo:

¹¹ anetsü lakhi pesü axine kümllagho shi tsülo, ti ye axine kümllagho ghenguno lochile keu ngo tsalakipe kipti kümllagho eno athi ngo atsaizü kümllagho nguno alau tsüni keu ke.

Apusho lo Kümllagho

¹² “Aqhi akütsüniu atsala chighiapunguu lo nongu ye akimtheshi kuho kumqo lo. Nongu ye kiu kümla mu shimoni ikemu Ampeu lau atsala tsüni tiqhetini pinilo.

¹³ Nongu no Ampeu lopushi tsüngqüi akipti kümllagho shi achuqupu kümllagho hitoi Pa tsülo: amshitsü chighiküthü, anetsü kini, eno ampe lakhi mbetsü chighibidi; ti ye tukutiye küha keqo;

¹⁴ athi kümllagho shi ashomkhu akiviu thazü gholo kunuve keu pesü amshitsü lakhi gholo ahu tsügho, anetsü gholo ahu bidi,

¹⁵ eno ambe chighibidi ghenguno lakhikhi gholo ahu kini tsülo.

¹⁶ Axine kümllagho shi anetsü lakhi pesü tsüni, hi ye tsalakipe kipti kümllagho, athi kümllagho eno atsaizü kümllagho nguno alau tsüni keu ke.

¹⁷ “Atsala akiniu lo amshitsü chighikini, anetsü kini eno ampe lakhi mbetsü chighibidi tsülo, ti ye tukutiye küha keqo,

¹⁸ amshitsü ngo anetsü eno ambe ghenguno bekütha shikeu gholono athi kümllagho ngo atsaizü kümllagho pesü tsülo;

¹⁹ eno axine kümllagho shi anetsü lakhi tsüni, ti ye tsalakipe kipti kümllagho, athi eno atsaizü kümllagho nguno alau tsüni keu ke.

²⁰ “Atsala aküthüni amshitsü chighiqhaqhi, anetsü kini, ampe lakhi mbetsü chighibidi tsülo, ti ye tukutiye küha keqo,

²¹ amshitsü ngo anetsü eno ambe ghenguno bekütha shikeu gholono athi eno atsaizü kümllagho pesü tsülo;

²² axine kümllagho shi anetsü lakhi pesü tsülo, ti ye tsalakipe kipti kümllagho ngo athi eno atsaizü kümllagho nguno alau tsüni keu ke.

²³ “Atsala abidini amshitsü chighi, anetsü kini eno ampe lakhi mbetsü chighibidi tsülo, ti ye tukutiye küha keqo,

²⁴ amshitsü ngo anetsü eno ambe ghenguno bekütha shikeu gholono athi eno atsaizü kümllagho pesü tsülo;

²⁵ axine kümllagho shi anetsü lakhi pesü tsülo, ti ye tsalakipe kipti kümllagho ngo athi eno atsaizü kümllagho nguno alau tsüni keu ke.

²⁶ “Atsala apunguni amshitsü toku, anetsü kini, eno ampe lakhi mbetsü chighibidi tsülo, ti ye tukutiye küha keqo,

²⁷ amshitsü ngo anetsü eno ambe ghenguno bekütha shikeu gholono athi eno atsaizü kümllagho pesü tsülo;

²⁸ axine kümllagho shi anetsü lakhi pesü tsülo, ti ye tsalakipe kipti kümllagho ngo athi eno atsaizü kümllagho nguno alau tsüni keu ke.

²⁹ Atsala akütsüghoni amshitsü tache, anetsü kini eno ampe lakhi mbetsü chighibidi tsülo, ti ye tukutiye küha keqo,

³⁰ amshitsü ngo anetsü eno ambe ghenguno bekütha shikeu gholono athi eno atsaizü kümllagho pesü tsülo;

³¹ axine kümllagho shi anetsü lakhi pesü tsülo, ti ye tsalakipe kipti kümllagho ngo athi eno atsaizü kümllagho nguno alau tsüni keu ke.

³² Atsala akütsüniu lo amshitsü tsüni, anetsü kini eno ampe lakhi mbetsü chighibidi tsülo, ti ye tukutiye küha keqo,

³³ amshitsü ngo anetsü eno ambe ghenguno bekütha shikeu kiqi lono athi eno atsaizü kümllagho pesü tsülo;

³⁴ axine kümllagho shi anetsü lakhi pesü tsülo, ti ye tsalakipe kipti kümllagho ngo athi eno atsaizü kümllagho nguno alau tsüni keu ke.

³⁵ Atsala akütacheu lo nongu ye akimchi hoho shini eno kiu kümla mu shimoni,

³⁶ nongu no Ampeu lopushi tsüngqüi akipti kümllagho shi achuqupu kümllagho hitoi tsüni: amshitsü lakhi, anetsü lakhi, ampe lakhi mbetsü tsüni tsülo, ti ye tukutiye küha keqo,

³⁷ amshitsü ngo anetsü eno ambe ghenguno bekütha shikeu gholono athi eno atsaizü kümllagho pesü tsülo;

³⁸ axine kümllagho shi anetsü lakhi pesü tsülo, ti ye tsalakipe kipti kümllagho ngo athi eno atsaizü kümllagho nguno alau tsüni keu ke.

³⁹ “Nongu no ashoqhi kümllagho momu pulokini kümllagho tsükeu nguno tiqhetini tsalaqo lo hipaqo pesü Ampeu lau tsülo: akipti kümllagho, athi kümllagho, atsaizü kümllagho eno kuposhukulu kümllagho.”

⁴⁰ Ikehu Ampeu no Moses azah tsüke toi pa no thokha Israelmi vilo pive.