AKIKIHI 26 - Sumi Naga CL (Re-edited) Bible (BSI)

Akikihi Akiniu

¹ Püsa thiu Ampeu no Moses ngo Aaron nu Eleazar pama vilo pi,

² “Israel qoaho lo ali kiqi lono apunu mpe muku nguno kunguu thaqhü aghüshi lo wuluni kemi kikihi lulo.”

³ Moses ngo achineu Eleazar pama no Jordan phivilo Moab qa yeghi lo Jericho lono panongu kukütsü no pi,

⁴ Ampeu no Moses azah tsüke toi, “Ampe muku nguno kunguu thaqhü kihiju lo.” Egypt lono Israelmi ipeghi kemi hipaqo ke:

⁵ Reuben, Israel nu anoghiu; Reuben lagha: Hanoch, Pallu;

⁶ Hezron, eno Carmi.

⁷ Hipaqo no Reuben limi eno kihi kelo pano qhethonhe lhobidi küthü aqhe tsüni no shighi.

⁸ Pallu lagha: Eliab.

⁹ Eliab nuliqo: Nemuel, Dathan eno Abiram. Hi Dathan ngo Abiram pama ye aqoaho no kishepe Korah gholo küqhano Moses ngo Aaron sasü kumgho no Ampeu hebide

¹⁰ eno ayeghi no mpakhope Korah gholono panongu munove no ami no pano 250 pitive kemi ke, panongu pesü kütami ghutu keu shive.

¹¹ Ikemu Korah nuliqo ye thimoe.

¹² Simeon lagha: Nemuel, Jamin, Jachin,

¹³ Zerah eno Shaul.

¹⁴ Simeon lagha lo qhethonhe muku kini no aqhe kini.

¹⁵ Gad lagha: Zephon, Haggi, Shuni,

¹⁶ Ozni, Eri,

¹⁷ Arod eno Areli.

¹⁸ Gad lagha lo qhethonhe lhobidi no aqhe pungu.

¹⁹ Judah nuli Er ngo Onan pama; pama ye Canaan yeghi lono thive.

²⁰ Judah lagha: Shelah, Perez, Zerah.

²¹ Perez lagha: Hezron ngo Hamul.

²² Judah lagha lo qhethonhe lhotsüni tsügho no aqhe pungu.

²³ Issachar lagha: Tola, Puvah,

²⁴ Jashub eno Shimron.

²⁵ Issachar lagha lo qhethonhe lhotsügho bidi no aqhe küthü.

²⁶ Zebulun lagha: Sered, Elon eno Jahleel.

²⁷ Zebulun lagha lo qhethonhe lhotsügho no aqhe pungu.

²⁸ Joseph lagha: Manasseh ngo Ephraim.

²⁹ Manasseh nuli: Makhir, Makhir ye Gilead papu; Gilead limi hitoi ani:

³⁰ Gilead limi: Iezer, Helek,

³¹ Asriel, Shechem,

³² Shemida eno Hepher.

³³ Hepher nu Zelophehad ye anu kühano anga totimi likhi; panoqo je Mahlah, Noah, Hoglah, Milcah, eno Tirzah.

³⁴ Manasseh lagha lo qhethonhe lhopungu kini no aqhe tsüni.

³⁵ Ephraim lagha: Shuthelah, Bekher eno Tahan.

³⁶ Shuthelah kughuko: Eran.

³⁷ Ephraim lagha lo qhethonhe shighi kini no aqhe pungu. Hi no Joseph laghami ke.

³⁸ Benjamin lagha: Bela, Ashbel, Ahiram,

³⁹ Shephupham eno Hupham.

⁴⁰ Ard ngo Naaman ye Bela limi ke.

⁴¹ Benjamin lagha lo qhethonhe lhobidi pungu no aqhe tsügho.

⁴² Dan lagha: Shuham.

⁴³ Shuham limi kümtsü kelo qhethonhe lhotsügho bidi no aqhe bidi.

⁴⁴ Asher lagha: Imnah, Ishvi, eno Beriah.

⁴⁵ Heber ngo Malkhiel ye Beriah limi ke.

⁴⁶ Asher ye anga lakhi Serah ache.

⁴⁷ Asher lagha lo qhethonhe lhopungu küthü no aqhe bidi.

⁴⁸ 48 Naphtali lagha: Jahzeel, Guni,

⁴⁹ Jezer, eno Shillem.

⁵⁰ Naphtali lagha lo qhethonhe lhobidi pungu no aqhe bidi.

⁵¹ Israelmi kümtsü kihi kelo lakh tsügho qhethonhe lakhi aqhe tsüni no shighi.

⁵² Ampeu no Moses vilo pi,

⁵³ “Alagha hipaqo dolo pütüta kikihi kiqi lono ayeghi pesü amheghi shi kije tsülo.

⁵⁴ Ashiaye kije lau amheghi kije tsülo eno aghulo lau amheghi aghulo tsülo; alagha kümtsü pano kikihi kiqi lono tsülo.

⁵⁵ Ikemu ayeghi ye asaqhi no ashiaye kije aghulo kiqi lono tsüni.

⁵⁶ Amheghi ye asakiqhi kiqi lono kije aghulo dolo kije tsüni.”

⁵⁷ Levi lagha: Gershon, Kohath, eno Merari.

⁵⁸ Levi laghami ye hipaqo: Libni, Hebron, Mahli, Mushi, eno Korah. Kohath no Amram papu.

⁵⁹ Amram nipu no Levi nga Jochebed eno li ye Egypt lono punu. Li no Amram lau anu kini, Aaron ngo Moses punu tsü, eno anga totimi Miriam punu tsüe.

⁶⁰ Aaron no anu bidi shi: Nadab, Abihu, Eleazar eno Ithamar.

⁶¹ Nadab ngo Abihu pama ye azah tsümo keu mi pesü Ampeu mlla kelono thive.

⁶² Kiptimi aqhi lakhi nguno kunguu thaqhü kihi kelo qhethonhe muku küthü. Panongu ye Israelmi gholo kihisü moe kughengu pano ye Israelmi gholo amheghi küha ke.

⁶³ Hi kümtsü Jordan phivilo Moab qa yeghi lo Jericho lono Moses ngo Eleazar pama no kihikeu ke.

⁶⁴ Ikemu Moses ngo Aaron pama no Sinai sayeqha lono Israelmi kihikeu ye hipaqo dolo lakhimu kühae.

⁶⁵ Kughengu Ampeu no panoqo ghenguno ishi pipüae, “Panongu ye asayeqha lono thive nani.” Ikehu Jephunneh nu Caleb ngo Nun nu Joshua pama kumo aye khumu ghümove.