AKIKIHI 2 - Sumi Naga CL (Re-edited) Bible (BSI)

Aghazü Kikithi

¹ Ampeu no Moses ngo Aaron pütsa no pi,

² “Israelmi kümtsü pütüta loji michipu kiqi lono eno pütüta limi michiphi qholo aghazü shini. Aghazü kümtsü Kuposhukulu Phiki küdau jupuwo ghi tshüni.

³ Kipela küdau ngoni kemi no Judah ghazü shino pano loji michipu peni, Amminadab nu Nahshon no atou shino

⁴ yekütsü püake toi pa loji lo timi qhethonhe lhotsüni bidi no aqhe tsügho.

⁵ Pa shelo Zuar nu Nethanel sakiphe qholono Issachar lagha no aghazü shini,

⁶ pa loji lo timi qhethonhe lhopungu bidi no aqhe bidi.

⁷ Tishino Helon nu Eliab sakiphe qholono Zebulun lagha,

⁸ pa loji lo timi qhethonhe lhopungu tsüni no aqhe bidi.

⁹ Ikelo Judah ghazü lo aloji kiqi lono küqha kelo pano lakh lakhi qhethonhe lhotache tsügho no aqhe bidi. Panongu no atüghüshi chewuni.

¹⁰ “Apeu küdau ngoni kemi no Reuben ghazü shino pano loji michipu peni, Shedeur nu Elizur no atou shino

¹¹ yekütsü püake toi pa loji lo timi qhethonhe lhobidi tsügho no aqhe pungu.

¹² Pa shelo Zurishaddai nu Shelumiel sakiphe qholono Simeon lagha no aghazü shini,

¹³ pa loji lo timi qhethonhe lhopungu toku no aqhe küthü.

¹⁴ Tishino Reuel nu Eliasaph sakiphe qholono Gad lagha,

¹⁵ pa loji lo timi qhethonhe lhobidi pungu aqhe tsügho no lhopungu.

¹⁶ Ikelo Reuben ghazü lo aloji kiqi lono küqha kelo pano lakh lakhi qhethonhe lhopungu lakhi aqhe bidi no lhopungu. Panongu no akiniu shi chewuni.

¹⁷ “Levimi no aghazü mta lo ache ketoi chewu keloghi pano ghazü no amta lo shino Kuposhukulu Phiki pesü akikithi eno amchipu kiqi lono wuni.

¹⁸ “Kulola küdau no Ephraim ghazü shino pano loji michipu peni, Ammihud nu Elishama no atou shino

¹⁹ yekütsü püake toi pa loji lo timi qhethonhe lhobidi no aqhe pungu.

²⁰ Pa shelo Pedahzur nu Gamaliel sakiphe qholono Manasseh lagha no aghazü shini,

²¹ pa loji lo timi qhethonhe shighi kini no aqhe kini.

²² Tishino Gideoni nu Abidan sakiphe qholono Benjamin lagha,

²³ pa loji lo timi qhethonhe shighi pungu no aqhe bidi.

²⁴ Ikelo Ephraim ghazü lo aloji kiqi lono küqha kelo pano lakh lakhi qhethonhe tache no aqhe. Panongu no aküthüu shi chewuni.

²⁵ “Ahuu küdau no Dan ghazü shino pano loji michipu peni, Ammishaddai nu Ahiezer no atou shino

²⁶ yekütsü püake toi pa loji lo timi qhethonhe lhotsügho kini no aqhe tsüni.

²⁷ Pa shelo Ochran nu Pagiel sakiphe qholono Asher lagha no aghazü shini,

²⁸ pa loji lo timi qhethonhe lhobidi lakhi no aqhe pungu.

²⁹ Tishino Enan nu Ahira sakiphe qholono Naphtali lagha,

³⁰ pa loji lo timi qhethonhe lhopungu küthü no aqhe bidi.

³¹ Ikelo Dan ghazü lo aloji kiqi lono küqha kelo pano lakh lakhi qhethonhe lhopungu tsüni no aqhe tsügho. Panongu no ashekhau shi amchipu pesü chewuni.”

³² Hipaqo no Israelmi pütüta limi kiqi lono aje yekütsülu keqoke, aloji kiqi lono kümtsü küqha kelo pano lakh tsügho qhethonhe küthü aqhe pungu no lhopungu.

³³ Ikemu Ampeu no Moses azah tsü ketoi Levimi ye Israelmi kütami gholo kihisü move.

³⁴ Ampeu no Moses azah tsü ketoi Israelmi no hi kümtsü pelu, ikehu panongu no pütüta michipu kiqi lono aghazü shi, eno pütüta lagha lo ali kiqi lono chewue.