AKIKIHI 1 - Sumi Naga CL (Re-edited) Bible (BSI)

Israel Ghüshimi Kikihi Atüghüu

¹ Israelmi no Egypt lono ipeghi kethiu ampe akiniu, aqhi akiniu lo atsala atüghüni Sinai sayeqha lo Ampeu no kuposhukulu Phiki lono Moses pütsa no pi,

² “Israelmi kümtsü alagha eno alimi kiqi lono kiptimi thaqhü kihikütsü julo.

³ Apunu mpe muku nguno kunguu khunoqo aghüshi lo wulu nani keno, amqo amqoshi Aaron nokujo no yekütsüni.

⁴ Eno pütüta shiaye lo alimi sakipheu milakhi kishepe no nokujo kuphuni.

⁵ Timi hipaqo no akukuphumi shipeni. Reuben lagha lono Shedeur nu Elizur;

⁶ Simeon lono Zurishaddai nu Shelumiel,

⁷ Judah lono Amminadab nu Nahshon;

⁸ Issachar lono Zuar nu Nethanel;

⁹ Zebulun lono Helon nu Eliab;

¹⁰ Joseph nuli Ephraim lono Ammihud nu Elishama, eno Manasseh lono Pedahzur nu Gamaliel;

¹¹ Benjamin lono Gideoni nu Abidan;

¹² Dan lono Ammishaddai nu Ahiezer;

¹³ Asher lono Ochran nu Pagiel;

¹⁴ Gad lono Deuel nu Eliasaph;

¹⁵ eno Naphtali lono Enan nu Ahira.”

¹⁶ Hipaqo ye aqoaho lono kishephelu keu, apuasü lagha lo atomi, Israel limi dolo akütsü ke.

¹⁷ Timi khunoqo je shuphe keno, Moses ngo Aaron pama no sasü

¹⁸ aqhi akiniu atsala atüghüu lo aqoaho kümtsü kukumqo, eno alagha, alimi kiqi lono apunu mpe muku nguno kunguu lakhikhi je yekütsü luve,

¹⁹ ti ye Ampeu no azah tsükeu kiqi lonoke. Ikehu Moses no Sinai sayeqha lono aje yekütsü luve.

²⁰ Israel nu anoghiu Reuben kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

²¹ aje yelukeu kikihi ye qhethonhe lhobidi tsügho no aqhe pungu.

²² Simeon kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

²³ aje yelukeu kikihi qhethonhe lhopungu toku no aqhe küthü.

²⁴ Titoi Gad kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

²⁵ qhethonhe lhobidi pungu aqhe tsügho no lhopungu.

²⁶ Judah kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

²⁷ qhethonhe lhotsüni bidi no aqhe tsügho.

²⁸ Issachar kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

²⁹ qhethonhe lhopungu bidi no aqhe bidi.

³⁰ Zebulun kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

³¹ qhethonhe lhopungu tsüni no aqhe bidi.

³² Joseph kughuko, ti ye Ephraim lagha lo alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

³³ qhethonhe lhobidi no aqhe pungu.

³⁴ Manasseh lagha lo alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

³⁵ qhethonhe shighi kini no aqhe kini.

³⁶ Benjamin kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

³⁷ qhethonhe shighi pungu no aqhe bidi.

³⁸ Dan kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

³⁹ qhethonhe lhotsügho kini no aqhe tsüni.

⁴⁰ Asher kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

⁴¹ qhethonhe lhobidi lakhi no aqhe pungu.

⁴² Naphtali kughuko lo alagha alimi kiqi lono kiptimi ampe muku nguno kunguu aghüshi lo wuluni kemi thaqhü yekütsü kelo,

⁴³ qhethonhe lhopungu küthü no aqhe bidi.

⁴⁴ Hitoi yekütsülu keu ye Moses ngo Aaron pama no Israel lo atomi pano chighikini, pütüta limi züqhushi kishekeu kukuphu lonoke.

⁴⁵ Ikehu Israelmi pütüta limi kiqi lono kiptimi ampe muku nguno kunguu aghüshi lo wuluni kemi thaqhü

⁴⁶ aje yesülu kemi kümtsü küqha kelo lakh tsügho qhethonhe küthü aqhe pungu no lhopungu.

Levimi ye Thevetsü

⁴⁷ Ikemu Levimi ye apuasü lagha gholo kihisü move.

⁴⁸ Kughengu Ampeu no Moses vilo ishi piveke,

⁴⁹ “Levi lagha likhino kihi moni, eno Israelmi gholo no ye panongu kikihi lumoni.

⁵⁰ Ikemu panoqo pesü Puloshoqhi phiki eno tile tinhemgha kümtsü shou ampi shipelo. Panongu no tipau peni eno tile akeqo jukutoni, pano ghazü ye tipau homxape shini.

⁵¹ Kughou aghazü xakiqheni keno, panongu no Aphiki xaqhini, eno a-a kithelo qhini kelo panoqo no tshüni. Panoqo nguno alau kütami no tipau phivilo ighi aye ye pithive nani.

⁵² Israelmi kümtsü pütüta lojilo amchipu tsükeu kiqi lono aphiki tshüpe ngoni.

⁵³ Ikemu Levimi ye Puloshoqhi phiki homxape aghazü shino tipau khekutoni, tishianguno Israelmi qoaho shou aloghu ikughimo nani.”

⁵⁴ Ikehu Ampeu no Moses azah tsükeu kümtsü Israelmi no pelu.