YEKIKITHI AKINIU 4 - BAIBEL (BSI)

Achinekilo Nhemgha

¹ Akukau Solomon no alazayino akumlla kiptia lakhi akuchuqu lau miter bidino tuxa mulape qhie.

² Pano alazayino azutughuko akutho lau miter kinino tuxa abomta no miter bidino tuxa eno hokumxa miter chighi kuthu tuxa lakhi mla.

³ Azu tughuko mtsu hokumxalo aye hekutha ajo kini shi puku tile amshitsu julho shisu.

⁴ Tipaqoye amshitsu chighikiniqo shou puthugho kuthuno ahuu ju kuthuno apeu ju, kuthuno kulolau ju eno kuthuno kipelau ju pe eno apukhu qoye kumtsu azughilo chosupe ani.

⁵ Azutughuko akishilau sentimiter tsuni eno pa mtsu hokumxaye ajukhu mtsu toi miledei axamunu puilekeu ju toi shi eno tipaulo azu liter 60,000 ilolu kepushike.

⁶ Pano tipa phivilo chithakhu chighi mla, punguno ajeu eno punguno piyiu qhi. Kughengu tileno ghikiqhi pitikumllaqo qhunike ghengunoke ikemu ti azu azukikhe akijeulo akeuye achinemi pelo kuchhu peniyeke.

⁷ Panonguno shuna no shikeu kulubo chighi mla, pungu pesu ajeu qhi punguno piyiu qhike.

⁸ Pano akibepu chighi mlano punguno ajeu qhi eno punguno piyiu qhi eno shuna yino chithakhu 100 mlape qhike.

⁹ Pano achinemiqo chebo mla eno khalacheu chebo ghi lakhi mlake eno ahukikhaqo shisu eno alazayi-zu pe nuda pukuke.

¹⁰ Azutughuko tipau achineki lono kipela apeu kudau mlape pua.

¹¹ Hiram ghi akhu ajukhu eno alinoqo mlache. Pano akukau Solomon ghenguno achinekilo mlanike tushokiqhi shi puakeqo kumtsu mlavetsu.

¹² Akhetsukucho kinikujo, tipaqo shou mla puakeqo eno achilaqo,

¹³ eno khaghatu ju kimihi 400 pili pe ajo kinishi akhetsu kucho shou pua keuqo,

¹⁴ akhu chighiqo eno akibepu chighi mlakeqo

¹⁵ azu tughuko eno amshitsu chighikini atughuko puqhe ghi shisukeqo.

¹⁶ Akhu ali jeliqo Huram no pa kukau Solomon ghenguno alazayiqo pe Alhou kilo pe ithanike mlalu.

¹⁷ Akukauno hipaqo kumtsu Sukot ngo Zereda kuma dolo Jordan khila lono mlalu.

¹⁸ Kumzapu mla kehu khunomu alazayi jeli akimishi khije luvekeno pimlave.

¹⁹ Akukau Solomon ghi Achineki ghenguno shunayino shikeu khu-ali eno akumlla-a kiptia mla eno Alhou tsukeu sho kibepu ghi mlape qhi.

²⁰ Tinguno alaughi shuna kulubo eno akibepu shunayi kimthe pesu shi tiye Shishe Akimthe-a zulo pitiakepu shike;

²¹ axamunu koghe shikeu, akuluqo eno tsumtsa

²² akulu fukipinhepu, axokutsungu pitinikeu khu, amikihipu, hipaqo kumtsu shunayino shike. Shishe Akimthe bokutha hukikha alou eno Achineki khala kudau hukikhaqoye shuna likhino shike.