MATTHEW 1 - BAIBEL (BSI)

Jisu Khristo Puasu

¹ Jisu Khristo puasu kaku. Paye David eno Abraham laghami lakhi.

² Abraham nu Isak, Isak nu Jakob, Jakob nu Juda ngo pa thikuzumiqo.

³ Juda nu Perez ngo Zera pama eno pama pazaye Tamar ke. Perez nu Hezron eno Hezron nu Aram,

⁴ Aram nu Aminadab, Aminadab nu Nahson, Nahson nu Salmon.

⁵ Salmon nu Boaz eno pazaye Rahab ke. Boaz nu Obed, pazaye Rut ke, Obed nu Jesse,

⁶ Jesse nu akukau David ke. David nu Solomon, pazaye Urya nipu shiacheke.

⁷ Solomon nu Rehobam, Rehobam nu Abiya, Abiya nu Asa,

⁸ Asa nu Jehosafet, Jehosafet nu Yoram, Yoram nu Uzia,

⁹ Uzia nu Jotham, Jotham nu Ahaz, Ahaz nu Hezekiya.

¹⁰ Hezekiya nu Manase. Manase nu Amun, Amun nu Josiya.

¹¹ Josiya ye Jekoniya ngo pa thikuzumiqo papuh ke, tiye Babilon lo Israilmi kughu sasu wuke ghuloki loke. *

¹² Babilon lo kughu sasu wuke thiu: Jekoniya nu Shealtiyel, Shealtiyel nu Zerubabel.

¹³ Zerubabel nu Abiud, Abiud nu Eliakim, Eliakim nu Azor,

¹⁴ Azor nu Zadok, Zadok nu Axim, Axim nu Eliud,

¹⁵ Eliud nu Eleazar, Eleazar nu Mathan, Mathan nu Jakob

¹⁶ eno Jakob nuno Maria kimi Josef ke, Maria no Jisu punu, pa je pe Khristo ipi kutsu.

¹⁷ Ike Abraham lono David kutolo tiqheli chighi-bidi, eno David lono Babilon lo kughu sasu wuke ghuloki kutolo tiqheli chighi-bidi, eno Babilon lo kughu sasu wukeu ghuloki lono Khristo punuke kutolo tiqheli chighi-bidi ke.

Jisu Khristo Punu

¹⁸ Jisu Khristo punu ye hitoi shilue. Paza Maria ye Josef sasu kughuna nikeu shi kishekulu xathave, ikemu pama kulakupu shimphi lono liye Aghungu Kimthe launo anga mishipu aghive.

¹⁹ Li kimi Josef ye pulhapuju achipiu shichekemi kehu paye aqha zulono li shikukujomo nike tuqhouno li sasu ixave niye kutoveke.

²⁰ Ikemu pano hipau tsaquyi kumsukutoju akelo, Ampeuw kungumi lakhino asamo lakhi lono pa sasu kusho eno ishi pi. “David laghami Josef, noye Maria lu pesu onipu shinikeu msa kevilo, kughengu lino mishipu akeuye Aghungu Kimthe launoke.

²¹ Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

²² Hikumtsu shilukeu huye Ampeu no pawu tungkupu vechewo kiu pipua keno shikupu niyeke.

²³ “Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

²⁴ Josef no zuida thughi kelo, Ampeuw kungumino pa vilo pikeu toi shi eno pa nipu shi nike Maria sasu kughunauve.

²⁵ Ikemu lino anu punu moke kutolo paye li sasu ashiaji kuqhamoe. Eno Josef no paje Jisu ku tsue.