MALAKI 4 - BAIBEL (BSI)

AMPEU Tsala cheni

¹ Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

² Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

³ Ino shiniye kuto akeu shike tsalolo, nonguno lhoksakughami heqhilu nani eno panonguye nongu pukhu qholo ayeghi mukhu toive nani.

⁴ “Iqeu Muse no kutsupiyekeu kumsululo, Sinai Toghi lono ino Ayezah ngo Ahza jeli pesu Israil lo timi kumtsu pelo agholupe nike ino pa tsuke.”

⁵ “Ikemu AMPEU tsala kije eno akuighupu ighimoke zulo, ino Elija tungkupu nongu lau puwuni.

⁶ Pano itaghi apuqo ngo anuliqo kumtsa saghini; tikumoaye ino ighikepu shi nani eno noghakhu kutsave nani.”