LESHELE 98 - BAIBEL (BSI)Alhou no Ayeghiqha Yehkipeu 1 Akithele phepe AMPEU shipililo; pano akumzapu kumla shike; Pa kuka eno pawu akimthe kumtono tokulu shilupe ani. 2 AMPEU no pano toluvekeu pithiwoke; Ashiayeh qo lau pawu xakulupu kuka pithiwoke. 3 Pano Israilmi lau pano piqhivekeu peke, tiye qhoqhukeu eno iqemokeu kikimiye peithake. Aqha kumtsulo timiqono niLhou no tolukeu ithulue. 4 Ayeghi kumtsu no alokivishi AMPEU shipililo; ale eno alokivishi ighakeu pesu pa sheqhelo! 5 AMPEU lau sheqhekeu lephelo! akighilebo pesu kuigha phelo! 6 Afuko eno akibolo fusulo, eno AMPEU niLhou lau alokivishi ighamukulo. 7 Azughi eno tile lhoxu akeqo kumtsu ighalo; ayeghi eno tipa shou xuakemi kumtsu alephelo! 8 Aghokiqo, nongu a-u kukhulo; nongu atoghiqo, AMPEU zul0 alokivishi kumtsa alephelo, 9 kughengu pano ayeghi shou ayehpenike cheni. Pano achipiu xakutha eno aghibiu lono ayeghilomi shou ayehpe nani. |
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
Bible Society of India