LESHELE 4 - BAIBEL (BSI)

Kuphupenike Kijiliu Kighini

¹ Kughono ino inikhuni keno ikho chiletsulo O Alhou, isushokuluu! Ino shiluksa shiakelo nono ikuphuke. Ikimiye tsulo eno ikighini initsulo.

² O timiqo, nonguye khitohi kutolo iphimo anani kya? Nonguye khitohi kutolo adou-tsa kupua nani kya? Eno akimki papewu nani kya?

³ Ikemu ithilo, amikuchomi kutashi pawu shipe niye AMPEU no kopheve cheni, ino pa kukelo AMPEU no chilutsu cheni.

⁴ Amlo ide anamu axine shikevilo; nongu zu-alo inaqhoi akelo nongu mlolo hipau tsaqui kumsukutojulo.

⁵ Achipiu heqhipe AMPEU mllalo eno pa shou puluvelo.

⁶ Timi kutomono picheni “Kukumgha ta ithuluke ayela! O AMPEU, ogi kuvu nilau kughopuwo tsulo!”

⁷ Ikemu nono ilolo alokivi sutsukeu huye timi kutamino athi akeu nguno alauke. Eno atsayi-ji nibonileyi akeu nguno alauke.

⁸ Ino ihozukelo niye iquneyi zuhulu cheni; O AMPEU olikhino ishipusu pemono xulu chenipeke.