LESHELE 3 - BAIBEL (BSI)

Kuphupenike Inaqhe Kighini

¹ O AMPEU, ighumi khijejehi ani kela! kumzapuno ishou ikughi ani;

² Kumzapuno ighili ishi kugha ani, “Alhou ye pa kuphumo nani.”

³ Ikemu AMPEU nono isuhope akeuno izutoke, nono ijekipipu eno ikutsu peqhetsu chekeu.

⁴ AMPEU vilo ino ighamuku igha, ike pano pawu akimthe toghi lono ikhochile.

⁵ Ino ihozuve, zuhuve eno ida thughive, kughengu AMPEU no imutupeke.

⁶ Aghumi kihikhakumlano aqha kumtsulo isuhope anamu niye musamo nani.

⁷ O AMPEU, ithughitsulo! ixaphetsulo O, iLhou! Nono ighumi mukhu hephatsu, eno kusakughami hubo helatsue.

⁸ Xaphekuluye AMPEU lau ani, pano pawu timiqo kumghatsu peniu!