LESHELE 142 - BAIBEL (BSI)

Kuphupenikeu Kighini

¹ Ikuphupeniye isutsa pesu AMPEU vilo igha, isutsa pesu pa vilo qhuinijuke.

² Ino muchho akeu kumtsu pa lau pewuke, iwu shiluksa kumtsu ino pa vilo pike.

³ Kughono inguagha lhove keno niye kiu shikepu kela pano ithi ani. Ino chechekeu lalo aghumino ighenguno alichhe shikusupe puani.

⁴ Ino isumxa jukelo, ikuphunikemi lakhimu ithumlae, ighenguno ihjelukepu kuhave, khunomu ijukutoni kemi kuhave.

⁵ AMPEU, ikuphupe nike ino ovilo ighamuku ighae, AMPEU, nono isushokuluu ke; akuxu hipaulo noye ino lunishi chekeu ke.

⁶ Ikuphupeniye ino ighamukukeu chilutsulo, kughengu niye amloksalo ilovae. Ipishipuju akemiqo launo ixaphelulo ighengu panonguye shishe mutotoi ani.

⁷ Ikutakihi akeu launo ikhaqhiphelulo, tileno owu timiqo hoholo ino oje sheqheni kughengu nono ilau khenguyino alokeu shitsuke.