LESHELE 114 - BAIBEL (BSI)

Hechekulu Le

¹ Kughou Israilmino Ijip yeghi lono ipekeno, kughou Jakob laghano inaghami yeghi tipau qhive keno.

² Juda ye Alhou timi kimthemiqo shive, Israil ye Alhou mheghipu shive.

³ Akuhu Zughi no ti ithulu puzu kohave, Jordan no qowu akeu tave.

⁴ Naghutono ane toi ka-ka ilhe; atoghiqono bheritiqo toi ilhe ikuiqike.

⁵ Azughi, kiu shive puzu noye pove kya? eno Jordan, noye kushiye qowumove kya?

⁶ Naghutoqo, nonguye kushiye bheriti qo toi ilheikuiqi kya?

⁷ O ayeghi, AMPEU chekelo khokhoshilo, Jakob Lhou chekeu zulo,

⁸ pano atuqu pesu azu chokeu-a shivetsu eno atuxuno qowuakeu zupuki shivetsuke.