LESHELE 101 - BAIBEL (BSI)

Akukau Shoqhi

¹ Ileye qhoqhukeu eno achipiu xakutha ghilike, ino olau ti phe ani, O AMPEU.

² Iwu ghushoghiliye tukutiye kuhakeu shini, noye kughono ilau ighini kya? Niye ikilo mutsumisheyi keu kuxu xunike,

³ khilemu alhoksaye palokutovemo nani. Niye Alhou launo tsughu susu wuvekemi ghushoghili mithi cheni, niye panoqo sasu kumtsa mlakepu kiumu kuhae.

⁴ Niye amikuchokumo shimo nani, eno alhoksa sasu kutshukimekeu shimo nani.

⁵ Khukhumu kutami ghili lhoksa pikeuye ino kuqhuleve nani; Niye aqhekuzami eno lahilaza xuchekemi pelo panonguno kiu shinikeno shiauve pemo nani.

⁶ Khunono Alhou ghokulu shi cheni keno ino tipaqo shikumto nani, eno panoqo pelo ikuka kilo xupe nani. Khunono thwokhalo amikucho keno iqelupe nani.

⁷ Kimkimi khumu ikukakilo xumla nani; kuhakughamiye izulo ngomla nani.

⁸ Ghulo atsu-tsu ni yeghilo ino kixikilami kutsaleve nani; AMPEU phughi lono timi lhoksami kumtsu ino hapheve nani.