LESHELE 1 - BAIBEL (BSI)

KOKUPHA ATUGHIU ( Leshe 1—41 ) Lokivipu Kuchou

¹ Timi khunono kusakughami kukutsu papemoni, axine mi laghilo chechemoni eno Alhou thaighakemi gholo ngomoni keno tipano lokivipue.

² Paye AMPEU yezahlo aghokulu shini keuno pa zukuvue, paye putho pucho tipaulo kumsukutoju acheni.

³ Paye aghoki phivilo asubo thuwu aketoi, tiye ado achipi lono athi pithi cheni eno tipau nipaqoye ighuive chemoe. Pano shikeu thwokha kumtsulo ghenighilai acheni.

⁴ Ikemu kixikilamiye titoi moe; panoye amlhuno amu-u fupewuve ketoike.

⁵ Ikeke kixikilamiye Alhou no peve nani eno axinemiye Alhou wu timi hoholo sasu move nani.

⁶ Kughengu AMPEU no amikuchomi laghi ithi acheni, ikemu kixikilami laghiye puhave nani.