JOSHUA 20 - BAIBEL (BSI)

Sushokulu Phughi

¹ Tithiu AMPEU no Joshua vilo pi, “Israilmi lau pilo,

² ino Muse vechewo nongu vilo pikeu toi sushokulu phughi kishephelo.

³ Timi khamino pithive aye tile powu kulupu shi eno amkhu luniye hachekeu zulo pojo kulupu shi pelo.

⁴ Pano tipaqo phughi lakhilo powulu nani eno aphughi lo ikulo lalo atsakukugha-alo puthughono pa ghili pe tipa phughilo sakiphemi zulo kishekulu pilupe nani, pa pelo panongu gholo ilo ngoluve pe nani.

⁵ Tsalatsa amkhu luniye hakicheu huno pa pape cheghi aye, tipa phughilomi ye pa kughape panongu tsumlae. Panonguno pa susholu maye sae, kughengu paye mthano timi hu pithiveke eno amlo kighide lonoye kumoke.

⁶ Paye mishi zulono pa tsa kugha mphi loye eno Achinetou thimoke dolo tipa phughilo anani. Timi huye pano povekeu taun kilo idewolu nani.”

⁷ Tighenguno panonguno Naftali to yeghiqhalo Galil lo Kedes eno Efraim yeghiqha tolo Shekhem eno Juda yeghi qha tolo Kiriatharba Hebron ipikeu kophelu.

⁸ Jerikho kipelau Jordan kukuu atoqa ghasalo panonguno Ruben shiyehlo Bezer kishelu eno Gad shiyehlo Gilead lo Ramot kishelu.

⁹ Sushokulupu phughi hipaqono Israil shiyehlo inami kumtsu eno Israilmi kumtsu ghenguno tsukeu. Timi khuno mthano kutungu kelono kutami lakhi pithive aye amkhu lukeu lono sushotsu nike eno atughushi mishi lono pa tsa kughamphilo ngolu penike a-a tsu keu phughiqoke.