JOSHUA 19 - BAIBEL (BSI)

Simon Tsukeu Yeghi

¹ Akiniuye Simon shiyeh bolomi lau kijetsu. Tipau yeghi bochoye Juda shiyeh tsukeu yeghi kutolo ae.

^2-6 Tiye taun no homxape hi aphughi chighi kuthu ae. Bersheba momu Sheba, Molada, Hazar, Shual, Bala, Ezem, Eltolad, Bethul, Horma, Ziklag, Bet Markabat, Hazar Susa, Bethlebaot eno Saruhen.

⁷ Tinguno alaughi taun no homxape hi aphughi bidiqo ae. Ain, Rimon, Ether eno Ashan.

⁸ Tiye apeu kudau Balatber momu Rama yeghi kutolo taun no homxape akeqo phughi kumtsu sukuqhano ae. Tipadono Simon shiyeh bolomi yeghi shi ithulu.

⁹ Juda tsukeu yeghino ta jeloveke ghenguno tile asaje lakhipe Simon shiyehqo tsuve.

Zebulun Tsukeu Yeghi

¹⁰ Akuthuuye Zebulun shiyeh bolomi lau kijetsu. Panonguno ithulukeu yeghiye Sarid kuto to ae.

¹¹ Tileno alughihu kulola kudau Mareal kuto wuve eno Dabeshet ngo Jokneam kipelau aghokiti kuto wuve.

¹² Tuxaye Khislot Tabor lughi kuto eno Deberat ngo Jafia kuto wuve.

¹³ Tino kipelau kibesusu Gat Hepher ngo Ethkazin eno Rimon laghilo Nea kudau wuve.

¹⁴ Ahuu lughiye Hanathon kudau wuve eno Iftahel khila lono kishekhave.

¹⁵ Tino taun no homxape aphughi chighikini akeudoke.

¹⁶ Aphughi hipaqono Zebulun shiyeh bolomi mheghi shitsukeu yeghike.

Isakhar Tsukeu Yeghi

¹⁷ Abidiuye Isakhar shiyeh bolomi lau kijetsu.

^18-21 Tipau bocholo Jezrel, Khusulot, Shunem, Hafaraim, Shion, Anaharat, Rabit, Kishion, Ebez, Remet, Enganim, Enhada eno Bethpazez phughiqo.

²² Alughi huye Tabor, Sahazuma eno Bethshemes, dighi Jordan lo kishekhave. Tiye hokumxalo taunqo sughi aphughi chighi tsugho ae.

²³ Ti aphughiqo eno taunqo huno Isakhar shiyeh kibolomi mheghi shi ithulu.

Asher Tsukeu Yeghi

^24-26 Apunguuye Asher shiyeh bolomi lau kijetsu. Tipau bocholo aphughi hipaqo ae: Helkat, Hali, Beten, Aksap, Alam Melek, Amad, eno Mishal, kulolauye Karmel ngo shihor Libna kuto.

²⁷ Kipelau idewo kelo alughi huno ahuu kudau Bethemek ngo Neil kuwu laghilo Zebulun ngo Iftahel khila dighi Betdagon kuto ani. Tino ahuu Kabul kuto wu ani.

²⁸ Ebron, Rehob, Hamon, Kana eno Sidon kutolo wu ani.

²⁹ Alughi hu Rama lo ideighi eno Tur phughi khagho supua keu a kuto tileno idesu Hosa ngo Mediteriya Zughi lono ashekha shive. Tile Mahalab, Akhzib,

³⁰ Uma, Afek eno Rehob ishi hokumxa taunqo gholo kuqhaghi aphughi muku kini ani.

³¹ Ti aphughi eno taun qono Asher shiyeh bolomi mheghi shi ithulu.

Naftali Tsukeu Yeghi

³² Akutsughou ye Neftali shiyeh bolomi lau kijetsu.

³³ Tipa lughiye Helep lono Zananim lo aphisubo kuto Adaminekeb eno Jamnia kuto, Lakum kuto eno Jordan lono kishekhave.

³⁴ Tileno alughi hu kulolau kuto eno Jordan lono kishekhave. Tileno alughi hu kulolau idesu Aznot Tabor eno tileno Hukok kudau apeu Zebulun dighi kulolau Asher eno kipelau Jordan kuto.

³⁵ Ahokuho bokutha phughiqoye Zidim, Zer, Hamat, Rakat, Khineret,

³⁶ Adama, Rama, Hazar,

³⁷ Kedes, Edrei, Enhazor,

³⁸ Yiron, Migdalel, Horem, Bethanat eno BethShemes. Tipaqo hokumxa taun sukuqhaghi aphughi chighi toku.

³⁹ Ti aphughi eno taun qono Naftali shiyeh bolomi mheghi shi ithulu.

Dan Tsukeu Yeghi

^40-46 Akutsuniu ye Dan shiyeh bolomi lau kijetsu. Tipau bocholo hipaqo phughi ae. Zora, Estaol, Irshomes, Shalbim, Aijalon, Ithla, Elon, Timna, Ekron, Elteke, Gibethon, Balat, Jehud, Beneberak, Gathrimon, Majarkon eno Rakon eno Joppa hokumxa yeghi bochoqo ghi suluqha ae.

⁴⁷ Danmino pano yeghi puhave kelo panonguno Lais lo wuno tipau leveno timiqo pithiveno tino pano wu shi ighiluve. Panonguno tile auve eno aphughi tipauje Lais jekumono Dan jekuluve.

⁴⁸ Ayeghi tile eno aphughi eno taun qoye Dan shiyeh bolomi mheghi shivetsu keulo ae.

Ashekha Kikije Yeghi

⁴⁹ Israilmi no ayeghihu kijekhave kethiu ayeghi leqhi lakhi pe Nun nu Joshua wu shitsu.

⁵⁰ AMPEU zah kutsu toi pano khukeu phughi pe pa tsu. Efraim toyeghi qhalo Timnat Serah patsu. Pano aphughi tipau shikitheno acheuve.

⁵¹ Eleazer achineu, Nun nu Joshua eno Israil shiyeh chighikini sakiphemi qono ayeghi hipaqo AMPEU zulo Shilo lo Aphiki hoho lono asaqhieno kijetsu. Titoi panonguno ayeghi kijekhave.