JOSHUA 16 - BAIBEL (BSI)

Efraim ngo Kulolaumi

¹ Josef polo kiqiqo tsukeu yeghi lughi Jerikho kupunu eno asayeqha kuto, tino Jerikho lono Bethel to yeghiqha kuto.

² Bethel lono Luz kuto eno Arkhai qono achekeu Atarot Adar veche wu.

³ Tileno kulolau Jafletaimi bocho eno aqhou bocho BethHoron kuto iqi tileno Gezer kuto wu eno Mediteriya Zughi lono kishekha.

⁴ Josef polo kiqi Efraim shiyeh eno kulolau Manasemi qono tipa yeghi panongu wu shi ithulu.

Efraim

⁵ Hipaqono Efraim bolomi yeghiqha shive. Pano lughiye Atarot Adar lono kipelau BethHoron lashou kuto.

⁶ Tileno Mediteriya Zughi kuto. Mikmethat ye panongu huu ae. Tileno hechesu Tanat Shilo eno tipau veche kipelau Janoa kuto.

⁷ Janoa lono Ararot ngo Nara kukau iqi Jerikho toveno Jordan lono ashekha shive.

⁸ Alughi hu kulolau Tapua lono Kana ghoki kuto eno Mediteriya Zughi lono ashekha shive. Tipa dono Efraim shiyeh kibolomi yeghi shivetsu.

⁹ Tipa gholo Manase lughi bocholo akeqo taun eno aphuqo ghi pe Efraim tsuve.

¹⁰ Ikemu panongu no Gezer lo kuami Kananmi haphemove, tighenguno ishi kutolo Kananmi Efraim gholo acheni ikemu panongu pelo aqemi shi mla achenipe.