JOSHUA 12 - BAIBEL (BSI)

Muse no Toluvekeu Kukami

¹ Israilmino Jordan kipelau puzuu leluve keqo: Arnon khila lono Jordan khila kuto eno ahuu kudau Harmon naghuto kuto luve. Panonguno kukami kini shou toluve.

² Lakhiye Amarimi kukau Sihon Heshbon lo ka a. Pa kuka phuye Gilead tuxa sukuqha, Arnon khila cheku lo Aroer lono tipa khila mtalo aphughi lono Jabok ghoki kuto eno Amun lughi kutolo a.

³ Tiye Galil Yizu kucho lono Jordan khila botha sughi apeu Beth Jeshimot kuto (Akithi Zughi kipelau) eno Pisga Toghi pukhu kudau kutolo a.

⁴ Panonguno Bashan kukau Og shou ghi tolu paye Refaim kukau ashekhau ke, paye Astarit ngo Edrei lo ka a.

⁵ Pakuka qhaye Hermon Naghuto bothasu Saleka ngo Bashan yeghi lono Geshur ngo Maka eno Galil tuxa eno Gilead tuxa eno Heshbon kukau Sihon yeghiqha kuto.

⁶ Ti akukau pamaye Muse ngo pawu Israilmino toluve. AMPEU qeu Muse no panongu yeghipe Ruben shiyeh ngo Gad eno Manase shiyeh tuxaqo yeghi shivepe.

Joshua no Toluvekeu Kukami

⁷ Joshua eno pawu Israilmino Jordan kulolau yeghi Libanon khila lono Hermon naghuto kuto apeu Edom kuto kukami yeghi luve. Joshua no shiyehqo pelo panongu yeghi shiluve penike tipa yeghi kumtsu pe shiyeh dolo kijevetsu.

⁸ Tipa yeghiqoye ato yeghiqo, kulolau naghuto pukhuqo, Jordan khila eno tipato pukhu kuxaqo kulolau aqheshi akeu yeghiqo eno apeu qhai keu yeghiqo. Tipa yeghi qoye Hatimi, Amarimi, Kananmi, Perizimi, Havimi eno Jebusimi ghakhuqoke.

^9-24 Israilmi no kukami hipaqo shou toluve — Jerikho Ai (Bethel kupunulo) Jerusalem, Hebron, Jarmut, Lakis, Eglon, Gezer, Debir, Geder, Horma, Arad, Libna, Adulam, Makeda, Bethel, Tapua, Hefer, Afek, Lasharon, Madon, Hazor, Shimron, Merom, Aksap, Tanak, Megido, Kedes, Jokneam (Karmel lo), Dor (azumkulo) Goyim (Galil lo) eno Tirza kuqhakelo kukami shighi lakhi leluve.