JEREMIYA 45 - BAIBEL (BSI)

Baruk lau Alhou Shoqhi

¹ Josiya nu Jehoiakim no Juda lo akukau shikeu mpe abidiulo ino kiu apasushi pikeno tipau Baruk no yepe qhike.

² Tileno AMPEU, Israil Lhou no pikeu pesu ino pa vilo pi, “Baruk, nono piakeuno

³ ‘Niye qhiveniake! AMPEU no ino shilusa akeulo amlo ghime sukuqhavetsuke. Niye aghime ghugha lono akulhoshivae eno niye akulho qhimlaveake!’ ”

⁴ “Ikemu ni AMPEU ye ino kiu shipuku puakeno xaleqhive ani eno ino kiu shosu keno nhuleve ani.

⁵ Noye kutau peitha penikeu phu cheni kesha? Tishi kevilo. Niye timi kumtsu shou kutsakungo keu sughini cheni ikemu noye nono khile khile wuni keno akuxu likhimu puxulu ananike. Ni, AMPEU no piveake.”