ISAIAH 5 - BAIBEL (BSI)

Atsayilu Le

¹ Ino ale hipau phe akelo inijulo, ishou ngo pawu atsayilu shipili keu leke: Shishe aghuma akeu toghi lakhilo ishouye atsayilu lakhi ache.

² Pano ayeghi hole eno tipaulo atu kicheve; pano atsayibo akiviu pesu shosu. Tipau mtalo jukutokhe kepu aqo lakhi shipesu qhi, eno atsaithi shephonikeu aqoh lakhu chu. Atsaithi ni-ipeghinikeu pano khe juache, ikemu atsaithi kumtsu qhimboi keu shiaghive.

³ Ike ishouno ishipi, “Nongu Jerusalem lo ngo Juda lo akemiqo, itsayilu ngo ikujo dolo kughatha tsulo.

⁴ Niye atsayilu ghenguno kiuala mlakepushi akeu mlamove akesha? Tishiaye ino atsayithi kivi laju akelauye kushiye qhimboikeu tsayithi pithi kya?”

⁵ “Niye itsayilu pesu hiu shiniake; niye tipau veho putumuxa puakeu ikhiveni, tipau susholupe nike aliwo shikeu tuxapinyiveni eno tughashi pelo tipau mzachuve peni eno qodanedave peni.

⁶ Tipaulo alupino ghonhaluve peni. Niye atsayibo kixiphemoveni momu ayeghi holemoveni; tishinike zuqhulo aghusahu ngo asahubo pelo tipau nhaluvepeni. Ino khungkusu pelo tipaulo tsutsughu ghuqhi pemonike lakhaveni.”

⁷ Israil ye Aqokitikhi shou AMPEU wu atsayiluke; Juda lo akemiqoye pano shosukeu tsayiboke. Panoqoye akivipu shipenike paye lajuake ikemu tipa zuqhulo pano nguye timi ghikiqhimi shive. Panoqoye achipiu shipe nike paye lajuake ikemu panoqono ghiqhi vekeqono amikucho xakutha khu ghi ighamukuke.

Timi Lhoksa

⁸ Nonguye ahasapuke! nonguno aki alu alau qhukupha eno puzuu akeu gholo pekuqha cheni kushuwa kumo dolono kutami pelo a-a kuhano xusumlavepe cheni eno ayeghilo nongu likhi xuauve cheni.

⁹ Aqokitikhi MPEU no tushoqhive keu ino chilupuani, “Aki kuloghi eno jukivi ki hipaqo kumtsu ixaveno kumsa shive nani.

¹⁰ Atsayi aluche chighilo chi keu hu atsayiji liter tache likhi mlaphelu nani. Axapiti ahhu 180 huno axapiti ahhu chighi tache likhi pithi nani.”

¹¹ Nonguye ahakusapuke! Nonguno shoni ye inaqhe itheno ithucheni eno kijiliu shomzukeu lono ado kushuwa puwove cheni.

¹² Nonguno shichu shisho kelo akighi lebo ngo turtur lebo ngo fulili eno atsayiji peitha cheni. Ikemu AMPEU ye kiu shiani kela nonguye vethalu chemoe,

¹³ ikehu nonguye akughumi shi xapusu wuve nani. Now sakiphemi ye akhuava no thi nani eno kutamino tughuthi keu lono thi nani.

¹⁴ Kithimi yeghino muzuthi puzu panoqo khe ani eno tiye pa baxa kije sukhope ani. Tipauno Jerusalem lo kijemi ngo aqokitikhi asutsa igha akemi kutamiqo munoqhiluve nani.

¹⁵ Timi kumtsu shikukujove nani eno aqhekuzami kumtsu aqhokigheulo qhive nani.

¹⁶ Ikemu aqokitikhi shou AMPEU ye kijekepi achipiu kiu keno shikeu lono pephepiyeke eno pawu timi shou kughathakeu lono paye akimthe kepi pephe piyeke.

¹⁷ Aphughiqo ixapinyi akeulo bheritiqono achu muza nani eno anetsu lhotheno achukumzapu ithulu nani.

¹⁸ Nonguye ahakusapuke! Nonguye nongu xineqo launo vexuipeve mlake.

¹⁹ Nonguno ishi pike, “AMPEU pelo pano kiu shiniepi pikeno tipau mtazu shipelo, tishianguno ninguno tipau junike. Israilmi Lhou akimtheu pelo pano pughu akeu pepimhe pelo; paye kiu kumsupu ani keno ninguno junike!”

²⁰ Nonguye ahakusapuke! Nonguno alhoksa pesu akivi kepi picheni eno akivi pesu alhoksa kepi picheni; Zumoikeu pesu akuvu-alo qhi cheni eno akuvu-alo zumoikeu qhi cheni akukhu pesu akungo shive cheni eno akungo pesu akukhu shive cheni.

²¹ Nonguye ahakusapuke! Nonguno kumsukeuno nonguye alokutsumi, shishe muqumughami ipi cheni.

²² Nonguye ahakusapuke! Aji shokeulo atomi shichekeqo! Aji jeli lekite nikeulo amlo kuloghimi eno msaighukeu kuha kemiqoke!

²³ Ikemu kulugho luveno nonguno pimivekemi phepuwuve cheni eno pimipuamo kemiye achipiu xakutha ithumlave cheni.

²⁴ Tighenguno amilo aghiji teni pitive keshi eno ami mililo atsuni kithi piti hailove keshi nongu kuhu aghuye tsumunave nani eno nongu kupu puakeu ye amukhu shiveno fupewuve nani; kughengu nonguno Aqokitikhi MPEU, Israilmi Lhou akimtheuno nongu shikakeu miliveke.

²⁵ AMPEU ye pawu timiqo lau aloghu ide ani eno panoqo ghime qhinike pau chhope ani. Naghutoqo sukinileqhi nani eno thivenikemi kumoqoye alaghilalo alusama toi qhive nani. Ike tishive kethiu ghi AMPEU loghu kighide kishekhavemo nani, ikemu ghimeqhi nike pau chhope auve nani.

²⁶ AMPEU no ashiayeh putou akeu lakhi lau ku-kutughu keu michi tsu nani. Pano ayeghi shekha lono ighipe nike miji ku nani, eno panoqono paikhavino ighive nani!

²⁷ Panoqo gholo lakhimu qei lhomoe; milakhimu ingu momu zuhumoe; milakhimu apokhaphi kuqhomoe; milakhimu apukhu kuqho kighi akughuta kuhae.

²⁸ Panoqo piji ye tsughaminhei eno panoqo suzuye kapuwu nike kutope ani. Panoqo wu khurshi pukhu mutsuye atu kumka toi mughachhoi ani eno panoqo wu khurkulu ye miyi tsutsu toi poveholu ani.

²⁹ Ghushimiqoye abongushu toi igha eno tipauno lhoxu tsuqhiluve puzu khunomu tipau panoqo launo hachilemla kepushi pewuvekeu toike.

³⁰ Kughono tipa tsala ighini keno, panonguno azughi ghugha toi Israilmi shou igha ikughi nani. Ayeghi hipau shou jupukulo! zumoikeu eno pitipuzaqhikeu julo! Tipaulo phokughuikeu khungkusuno akuvu kuzupholuve nani.